O DULE PHARRAVEL SA PREDRASUDE THAJ DEL MRTIKO E ILE
0
Vakti: 2 min.
Kaj si e predrasuda, stereotipuja thaj diskriminacija jekh katar majbare pharimata savenca maladon o rromano nacionalno kolektiviteto, naj nevipe.
Foto: O.V.
Maškar godova, kaj kale pharimatenca e terrne Rroma thaj Rromnja lačhe inđarrdon thaj te pešće talentova haravel e predrasude, sikavel vi o primeri katar o Dušano Nedeljković andar e Ćuprija, sikamne pandžte klasosko fundošće sikavne thanesko „Vuk Karadžić“ thaj sikamne ande trito klaso fundošće bašalimašće sikavnjako „Dušan Skovran“ ande Ćuprija.
O Dušano si but lačho sikamno, đilabel pe duj instrumentuja, ćhelel o fudbalo thaj nizol e medalje thaj peharja. Katar angluno klaso but si lačho sikamno. Katar dujto džiko štarto klaso sas pe pandž školaće, opštinaće thaj maškaropštinaće gođaverimašće maladimata andar e matematika thaj dasikani čhib.
Foto: O.V.
Gajda vi džal ande trito klaso fundošće bašalimašće sikavnjako „Dušan Skovran“ ande Ćuprija. Angluno instrumento si lešće e truba, ande klasa e profesorošći Aleksandrošći Gajićešći, a dujto si klaviri, ande klasa e sikavnja ko Jelenako Zlatanovićako.
Dži akana sas pe duj opštinaćegođaverimašće maladimata thaj liduj drom inđarrda angluno than pale truba. Sas vi pe maškarthemutne gođaverimašće maladimata pala truba ando Bečo, ando oktobro 2020. „Viola 035“ andar e Ćuprija.
Dži akana sasle but lačhe rezultatuja thaj lija but medalje thaj peharja. Lija 24 klubošće medalje thaj 6 peharja sar majlačho golmano averčhande turnironengo ande Srbija. Ande mini-maxi liga 2023. бršesko e sikavni fudbalosko „Viola 035“ vazdelpe ande angluni ande Srbija ande kategorija e čhavorrenđi save si bijande ando 2013. brš. O Dušano si po agorimasko raštrako turniro alavarrdo pale majlačho golmano ande kategorija e čhavorrenđi 2012/2013.
O Dušano si katar 2022. brš ando mikro fudbalošći Srbijaći reprezentacija pale čhavorra bijande 2012/2013 brš. Majbaro rezultato areslo po teljaripe 2023. brš ande Italija kana e reprezentacija lija angluno than, a o Dušano si alavarrdo sar majlačho golmano po turniro.
Foto: O.V.
Ando novembri 2023. bršesko e Srbijaće reprezentacijava, sar angluno golmano, sas po evropako prven- stvo savo sas inćarrdo ande Njamcicko, pe savo e Srbijako timo lija dujto than, a o Dušano si alavarrdo palo majlačho golmano.
O.V.