NAJ PHARE TE AVELPE RROM
0
Vakti: 2 min.
Ljuan Koko, politikologo, varekana sas šerutno pe Kancelarija palo nakhavimasko dićhipe e Strategijako pale integracija e Rromanđi ando Ministerijumo pale manušikane thaj minoritane orrte, žurnalisto, ramosarimatari e sikavne lilengo pe rromani čhib thaj prezidento po „Maškaripe palo vazdipe e Rromengo thaj etnikane ćidimatengo“ pale amari patrin mothol: NAJ PHARE TE AVELPE RROM.
Foto: Kancelarija za inkluziju Roma
Nijekh aver minoritano ćidipe naj ande kasavi alarmantno situacija • si fundošće sikavne thana ande save si majbaro đindo, vi majbut katar 90% rromane sikamne • talo alav e komunizmosk-socijalizmosko, phralimasko thaj ketanipe thaj jekh bare raštrako ćerrdape te e Rromen si sar aver malavipe maškar o them • Strategija si nakhli pale godova kaj voj či nakhadol, numaj nakhadol samo 54 džike 10% ramosarrde bućakođena
Maškaripe palo sićope e Rromengo thaj etnikane ćidimatengo majbut ćerel palo sićope e rromane sikamnengo, sar vi čhutipe e rromane čhibjako e elementonenca nacionalne kulturako ande fundošće sikavne thana. Kava brš si, definitivno, učharado thaj amen naštisaras te lundžaras nekobor projek- tuja save si phangle palo sićimasko vazdipe, kaj pe ćerrdimata trubul te avelame kooperacija e sikamnenca, sikavnenca, sićimašće orrtuimatenca thaj familijava.
Ažutipe Švajcarcošće agencijako palo buhljaripe thaj delegacija Evropaće unijako ćerrda „Emergency Fund“ trujal savo delpe ažutipe rromane čhavorrenđe ande Srbija, ulade ando lundžaripe e sićimasko trujal o nakhavipe pe online sićope. E partnerenca, maškar save si vi o Maškaripe palo sićope e Rromengo thaj etnikane ćidimatengo, nakhade o uladipe 600 tablet kompjuterengo thaj internet karticengo pale 15 lokacije ande Srbija.
Godova naj kazom trubul, numaj dalo primeri vi aver maškarthemutne ćidimatenđe te sigo ćeren thaj te ažutin te e rroman sikamne dićhen e klasuja ande nevi situacija, te mothas o sićope po duripe trujal o tablet kompjuteri.
Projekto „Sigo čhinadipe pe pandemija virusova” del vi sikavipe e sikamnengo, sar vi pindžaripe e Rromengo kasave sićimava thaj komunikacijava. Projektova si dikhlino vi te e sikamne theren ažutipe ando sićope thaj zor te ramonpe ande maškarutne sikavne thana.
Amaro ćidipe dži akana ulada tablet kompjuterja thaj internet kartice ande FS „Branko Radičević“ ando Bujanovco, FS „Predrag Devedžić“ ande Vranjsko Banja thaj Funsošće sikavni „Ilija Birčanin“ ando Zemun Polje. Planirime si te ačhile kompjuterja ulavas ande maškarutni Srbija, Ćuprija thaj Valjevo.
Fondo palo sićope e Rromengo (REF) sikada kaj si responsabiliteto thaj haćaripe neve situacijako thaj vo avela importantno dumo rromane sikamnengo ande Srbija thaj region.
O.V.