MAJ JEKH TERRNI THAJ VAZDINI ROMNJI

Intervju: Milica Šajin, anglalsikavni

Za portali Romanenevimata e Milica Šajin, otkanara semas but lačhi sikamno a mungrri familija ašarrni pe mungrro vazdipe. Kana sima vrjama kamav te đinavav thaj katar rano terrnipe semas phangli palo lil. Kana dem gata o maškarutno sikavno than ramosajlem pe Vuči sikavne pale anglalsikavne manuša ando Novi Sad thaj godoleja areslem mungrro suno andar o terrnipe, te avav anglalsikavni.

Paša Tumende ko si maj došalo palo Tumaro vazdipe?

Palo mungrro vazdipe paša mande si majdošali mungrri dej savi sas sasti vrjama paša mande, ažutisarrdama thaj but ćerelas džikaj me sićovas sar ačhilemas po budžeto, jal či avilosasman love te poćinav o sikavno brš. Pe angluno sićimasko brš sasman stipendija katar o REF-o.

Čefal si Tumare majdur planuja?

Plano siman te malavav bući ande struka thaj te ćerav kova so kamav thaj pala soste sićilem, numaj te aviloma šajipe te vi majdur sićov rado kamlemas. Palem, baro ažutipe sasman katar e Kancelarija pale inkluzija e Rromenđi, savi dijama baro ažutipe džikaj džavas pe studije.

Sar sas Tumenđe te sićon pe Vuči sikavni pale anglalsikavne?

But sas manđe lačhe thaj e profesorja vi e kolege savenca sićivas. Kana dem gata trin brš ramosarrdem vi o kotor pale bući ande jaslice. Palem godova kaj najman love či ramosarrdem o masteri.

Savo si tumaro svato rromane populacijako?

Mungrro svato si te den thaj paćan ande peste. Paše godova kazom avilo phares trubul te nakhadon tumare kamimata thaj tumaro intereso. Kaj khonik naj ni majlačho ni majgođaver, sa sam sar jekh. A o sićope si jekh drom palo majlačho trajo.