Ađe si obeležime e slava “Tetkica Bibija” ando Beogrado

Svako than ili komuna ande Srbija, sile posebno numero e čhonesko kana slavilpe kaja slava, phenelpe ande legenda korar e Bibija, savi ando aver vrjama avili ande thana i sar phenpele, sastarda e čhavoren.

 

E Beogradske Roma svako breš, još tere bište breša andaro paluno veko, aven ande avlija kotar o ćher kaj si o zapiso kala slavako po Vračar.

 

Ande ulica Gospodar Vučića postavime si e kapela savi si poisvetime tare kaja svetica, sar i o spomeniko tare romane manuša save sesa ando Prvo Balkansko maripe thaj ando Prvo svetsko maripe. Kava spomeniko si jedino ande amari phuv kaj si napisome e alava tare Romane vojnikura.

 

E Bibiija slavilpe sar spasiteljka te sar zaštitnica tare sa e porodice, ali po prvo than si e naslave čhara.

 

O datumi kana kaja svetica obelelećile si boldo. Vovda menjolpe svako breš i zavisil tare e Patriđi.

 

E Nataša Đorđević, savi sasa e kolačarka ando kava breš phenda amenđe ke od uvek voj magla te avel ande tradicija thaj kultura e Romenđi. Godolese prihavitsada kava pčasno than savo sile o kolačari.

 

Ando Beogrado već brešenca o than kaj slaville e Bibija si e kapela savi si po Vračari. O ćher thaj e avilja priprene kotar o beogradsko ćidinipe e romengo savo vodsil računa tare Slavara, phenda o Ivan Vasić savo si sekretari taro kava ćidinipe.

 

Sar phenda amenše o koordinatori za nacionalne minoniterija kotar e opština Voždovac o Zvonko Mitrović, kaja lokalno samouprava već brešenscar pomosarel kaja ande organizacija tare slava Tetkica Bibija, godolese ke von manđen so me baro multikulturalnost.

 

Kaja majbari romani slava ka nastavilpe i dalje te slavilpe sar ne bi e terne Roma bistaren piri kultura, tradicija thaj o baro istorijat. Kova so si but zanimljivo, kaja slava slavin sa e Roma, bezt obzira da li si hiršćanura ili muslimaja. Savore vonda trudimpe te kaja slava araćen kotar o bistaripe, a da bvi uspina ando kaja bući, mora te uključčimpe i e terne manuša, šajas ađive te ašunas tare Beogradske Roma save okupisalje ka kapela e Tetka Bibijaći.

 

O.V.