RROMANE ČHIBJAKO SI VAHTI TE DEL ANDE INSTITUCIJE
0
Vakti: 1 min.
Rromani čhib si jekh katar importantne čeja ando zurjavipe rromane identitetosko thaj trubul pale komunikacija, socijalizacija kulturno integracija e Rromenđi, inkalda šerutno pe inkluzija e Rromenđi, trujal o inćaripe Maškarthemutne đesesko rromane čhibjako.
Foto: Kancelarija pe inkluzija e Romenđi
Vov mothol kaj si importantno te rromane čhibjaće therelpe lundževrjamaći griža ando araćhipe, buhljaripe thaj standardizacija thaj e rromenđe del šajipe te den svato pešće čhibjava. Vov mothol kaj sa inkliste lila pe rromani čhib, kola lilarimata save si ramome pe rromani čhib.
Palem godova nakhade pe aver čhibja, ćeren buhljarrdo themesko ažutipe rromane nacionosko ande Srbija numaj vi ando sasto them. Palo majdur buhljaripe thaj araćhipe rromane čhibjako thaj kulturako, ulado importantipe si e Katedra studentikane programosko palo sićope anglalsikavnengo pe rromani čhib ando Vršco.
Savi si jekhutni ande amari phuv thaj majdur, thaj trajil dešujekh brš. Dži akana trujal late nakhlo 280 rromane studentuja, 128 dija gata, nekobor ramosarrde specijalistikane studije, vareko vi ćerel ande pešći struka sar pedagogikane asistentuja.
Majpindžarrde lingvistuja motjon kaj si e čhib savrjamalo therrdipe jećhe themesko, thaj voj musaj te buhljarelpe thaj araćhol katar o bistaripe. Sar e rromani čhib či avilisas bistarrdi, ande fundošće sikavne thana ande Srbija si losarimasko kotor „Rromani čhib e elementonenca nacionalne kulturako“ savo džal ande but foruja ande amari phuv.
O.V.