STIPENDIJE PALE STUDENTUJA VINAJA PE RROMANI ČHIB
0
Vakti: 2 min.
Foto: Kancelarija za inkluziju Roma
E Kancelarija pale inkluzija e Rromenđi dija stipendije pale studentuja save džan pe Vuči strukovno vinajenđi thaj sastarrni sikavni ando Vršco, po kotor: Vinaj pe rromani čhib. Kale sikavne bršesko, e Kancelarija pale inkluzija e Rromenđi del stipendije pale 13 studentuja – save avena vinaja. E stipendija po čhon inkljel 8.400,00 dinarja. Po ramosaripe e ugovorosko paše e studentuja thaj profesorja sas, o dr Euđen Činč, šerutno pe Vuči strukovno vinajenđi thaj sastarrni sikavni, e Ljiljana Mihajlović, šerutni pe Kancelarija pale inkluzija e Rromenđi, e Jelena Jovanović, dikhljarrdi manušnji ando pokrajinako Parlamento thaj e dr Marija Aleksandrović, profesorka strukovne studijengo.
Kazom si importantno kava program dićholpe ando araćhipe rromane kulturane identitetosko thaj ćeripe rromane gođaverimašće elitako, savi trubul te avel čhutini ando proceso pale integracija e Rromenđi, majanglal, trujal o sićimasko sistemo thaj ažutimasko dinipe e terrnenđe. Šerutno pe Vuči strukovno vinajenđi thaj sastarrni sikavni ando Vršco, dr Činč Euđen bahtarrda savorren thaj kamla e stu - dentonenđe lačo sićimasko brš.
E Ljiljana Mihajlović, šerutni pe Kancelarija pale inkluzija e Rromenđi mothoda pale afirmativne mere save nakhadon nekobor brš anda dži khote te avelamen so majbut studentuja a godoleja vi majbut vuče sikade Rroma thaj Rromnja. Sa strategije thaj akcione planuja save sas ćerrdine po raštrako niveli, andine te avelamen sa majbut čhejorra sar ande fundošće thaj maškarutne sikavne thana, gajda vi pe fakultetuja. Kaja katedra pe rromani čhib si importantno palo araćhipe e čhib - jako thaj kulturako rromane themesko.
Kaja si majimportantno bući savi nakhavel e Kancelarija pale inkluzija e Rromenđi, a savenđe stipendije amare studentonenđe poćindon andar o budžeto Pokrajinaće gavermentosko po čikat e šerutneja Pokrajinaće gavermentosko. Amenđe sar nacionalne ćidimasko o sićope si prioriteto, a rromani čhib vareso so si amenđe majim portantno sar arakhlamasle, nakhada masle, sikadamas avren thaj arakhlamasle katar o bistaripe, a e studentuja ando Vršco si kola save poteljarenle. Či tromas te hasaras amari čhib inkalda e Jelena Jovanović, dikhljarrdi manušnji ando pokrajinako Parlamento.
Trujal o fakto kaj si importantno ćeripe vučesikavne kadronengo pale rromani čhib, sar kotor palo araćhipe e rromane identite tosko pe kala thana, e Kancelarija pale inkluzija e Rromenđi trujal pesko plano thaj bućarrno programo čhuta o lovengo ažutipe pale studentuja kale programosko. E Kancelarija del stipendije katar 8.400 dinarja po čhon po studento, numaj vi aver ažutimata, sar kaj si bešipe ando studento nengo ćher, lovengo ažutipe pale lila, kompkuteri, thaj aver sikavne bućengo.