MILOŠ NIKOLIĆ – PROFESORI PALO BAŠALIPE, MARELPE PALE MANUŠIKANE ORRTE, RROM, DAD

Ažutipe katar e familija, škola, thaj saste themesko sas manđe but importantno pale sa aresimata save therrdem. Či mukava vi mungrro astaripe thaj o kamipe te aresav so kamav, te avav majlačho sikamno, palem godova majlačho studento thaj po agor majnagradime bašalno ande mungrri klasa. Responso pe Tumaro pučhipe, kana dikhlem kaj si o sićope importantno, si maj ande fundušći sikavni.

 

Kana pučhenma so si mungrro majbaro aresipe thaj si so amaro majbaro ašaripe, me mothav: godova naj mungrre aresimata pe majašunde bašalne festivaluja, but koncertuja e majlačhe themešće bašalnenca, aresipe savo therrdem katar mungrro foro Subotica thaj amari raštra Srbija.

 

Numaj ašarimava inakalav godova kaj sem dad duj majšukar čhejorranđe saven si pandž thaj deš brš, godova te mothav ćerelma majbahtalo thaj majvazdino.

E raštra ćerrda paso anglal thaj dikhla kaj si e Rroma majugrozime nacionalno minoriteto ande Srbija. Si politikani voja te ažutilpe e rromane nacionalne minoritetosko, numaj musaj te majbut ćeras sar čačune vazdamas lengo malavipe, pale godova kaj si e rromane pharimata bare thaj našti te nakhavon pale pandž jal deš brš. Paćav raštraće institucijenđe thaj džanav kaj o rromane trajo džala opre.

 

Musaj te ćeras po pharruvipe e šelbršikane čorrmasko savo inkljel andar o bisićope. Džanav kaj si phare te bičhalen e čhavorren ande škola bi lovengo, numaj dasa sa amendar te ažutis sa e rromane sikamnenđe thaj studentonenđe. Sićope, a pale godova vi trubulimasko bućaripe, godova si vorrta thaj jekh drom pale sasti integracija!

 

O.V.