E RROMNJEN SI ORRTA, NO NAJLE VI ŠAJIPE
0
Vakti: 1 min.
Fakto si kaj se e Rromnja sar nacionalno minoriteto ande Srbija po majteluno than pe margina maškar o them, o fakto si kaj si but bari predrasuda thaj stereotipuja fundome po biandine faktuja palo negativiteto opral e Rroma.
Foto: M. Karadžić
Mothde kaj e Rromnja majanglal kaj o Maškaripe palo socijalno ažutipe či reagujil, po bihaćaripe katar lengo trubulipe, po phandado vudar, thaj godova si, sar gndil, majbut so ačhavel e rromnja te, vi kana prijavil o maripe, lundžarel ande godova lumdževrjamako proceso te džal džiko agor.
Sar mothoda e džipašerutni katar o Manuš palo manušikano araćhipe kana dićhelpe o đindo e Rromnjengo ande procentuja, save aven ko Manuš palo manušikano araćhiše, godova đindo si but cinorro katar sasto ćindo akharipe savo simen, thaj šaj mothodasaspe kaj e Rromnjen naj problem anglal e institucije sistemošće, no naj gajda thaj sa džanen palo problem save silen.
O raštrako sekretari ando Ministerujo pale bući, mothoda kaj lesko Ministerijumo pindžarrda e Rromen sar majphari bućarrno kategorija thaj pale godova akharel sa kolen save bućaren te bućaren e Rromen, thaj akharel e Rromen te aven aktivni thaj te teljaren pešći bući.
Mothol kaj o Nacionalno ćher palo bućaripe, ando ažutipe e Ministerujosko, ulada but love palo bućaripe pale kola kategorija save majphare bućarrdon thaj akharrda kolen save bućaren thaj e Rromen te teljaren pešći bući, kaj gndil kaj si godova jekh katar majlače droma te ažutilpe lenđe.
V.O.