TRAJETO SAR INSPIRACIJA
0
Vakti: 1 min.
Bajrilem ande Stara Pazova kaj agorisardem fundoski thaj maškarutni škola. Vi me thaj mungrre ćherutne džanglam kaj kamav thaj šaj majdur.
Foto: Kancelarija za inkluziju Roma
O losaripe pelo pe Vuči bućaći škola ando Novi Sad. Agorisardemla thaj posle harno tabdili ramosardem Juristikano fakulteto pe savo ačhilem jekh brš. Andar kaja perspektiva sas godova but kamavutno thaj phare posle but brš sićimaske.
Ćerdem tabdili, numaj-harno. Ande mande paćili e ideja so čače kamav te ćerav ando trajeto thaj ramosarav o Fakulteto palo menadžmento ande Sremske Karlovce. Agorisardemle thaj akana sem pe master studije.
Majbutbršesko džanglipe ande pokrajinaći administracija, posebno ando sekretarijato kaj semas bućarni, ažutisrda manđe but. Pindžardema sar funkcionišil izvršno gavermento, dikhlem e problemurja thaj ando angrusnipe sićimasko thaj nacionalne minoritengo, numaj semas po thavdipe informacijengo aktuelno palo angrusnipe pale propisurja thaj vastaripe.
Pe kaja pozicija „dav ando them“ zakonodavne gavermentosko. Sićijav sar funkcionišil, pe konkretne misala dikhav se čhanda pale primena, a šaj lačhe te dikhav e relacija e krisoske gavermentova.
Poslanikonenđe udžilimate anglalmothon aktivno te lelpe kotor pe rindoske bešimate thaj godova si mungrre akanutne bućaće obligacije, numaj paše godova, aktivno uključisajlem ande bući Odborosko pale nacionalno barabarikanipe thaj ćidipesko odboro palo sićope thaj džanglipe ando savo sem pe pozicija podprezidentosko.