ROMANI KULTURNO MANIFESTACIJA UTSVALIKANE INĆARDAPE VI ANDE INĐIJA
0
Vakti: 1 min.
Kaj sas Maškarthemesko đes e Rromengo, savo semnosarelpe, ande bari sala Kulturaće maškaripesko Inđijako organizuime si utsvalikano abjavalo đes pe savo piro kotor line prezidento guvernako Inđijako.
Foto: A.N.
Utsvalipe putarda preziden- to guvernako, savo athoska dija gođi savoren save sas kote kaj e guverna Inđija usvojisarda Lokalno akcijako plano palo majlačharipe statusosko e Rromengo.
- Kova so si butimaske importantno pale membrurja Rromane nacionalno minoritosko si, kaj majanglal duj čhon usvojisardam Lokalno akcijako plano palo majlačharipe statusosko e Rromengo vi godova pale avinde štar brš.
E Rroma si jekh katar majtardžarde kotora forutnenđe, thaj naj samo importantno ando materijalno gîndipe te inzaras o ažutipe thaj odolaće agorisardam te vi tumen len tumaro kotor ande realizacija liparde planosko ande avinde štar brš, sar majlačhardinesas o kvaliteto thaj kišlipena trajetoske tumare familijengo, vaćarda angluno manuš guvernako Inđija.
Ninoslav Jovanović, vaćarda pire ćidipeske kaj si Inđija jekhutno lokalosko korkorroortuipe ando Sremo savi sistematski ćerel bući te majlačharel o statuso e Rromengo. E guverna Inđija ulada vastušeja pale realizacija e Planosko palo majlačharipe statusosko e Rromengo ando vučipe katar 5,9 milionurja dinarja palo kava brš.
Ando programo sas akhardI Rromani muzikaći kupa “GRUBB” andar Novi Sad, KAA “Čigra” andar Ljukovo, „Crveno vino – Loli Mol”,sar vi Rromano muzikako-scensko performanso “JAG”.
Jekh razlogo majbut palo utsvalipe sas šovebršešće Mitar Jovanović, savo si bijando po đes kana semnosarelpe Maškarthemesko Rromengo đes. Prezidento guvernako Inđija po anglunipe kale utsvalikanipeske dijales dipe, lap-top đinavutno.