TRAJISARAS JEKH AVRENCA, NIČI JEKH PAŠA AVER
0
Vakti: 2 min.
Foto: Kancelarija za inkluziju Roma
Katar savi vrjama san pe funkcija katar rromano koordinatoro?
Me sem pe funkcija katar koordinatoro pala rromane pučhimata katar 26.10.2014. brš. Thaj mungrro bućarimasko than sistematizuime. Bućarno sem prdal projekto, a o kontrakto lundžarelpes pe sajk katar duj jal trin čhona. Mungrro rodipe te avav koordinatoro sas te ačhav ande thana katar Edukativno centro e Rromengo kaj ando nakhlo periodo katar deš brša godova than sas biphanglo serviso forutnengo rromane nacionosko. Simen bugljardo modelo bućarimasko e rromane amalimava.
Sar khetane bućaren e lokaloske korkorroortuimava?
Me sem čhutino ando sekretarijato pale amalimašće bućarimata. Ando kotor lokalošeć korkorroortuimasko sima persona savi si mungrro supervizori thaj direktno khetanimasa bućarav e džipašerutne sekretaresa Sekretarijatar pale amalimašće bućarimata, a e personava katar forosko konsilo savo si udžilo pale socijalne pučhimatta.
Dal si ando budžeto forosko ulade fundurja pale Rroma?
Kana ćerdapes o rebalanso budžetosko sas uladine 800.000 dinara thaj katar godova 300.000 sas ulade palo kotor sikavimasko, 200.000 pale socijalne dinimata, 200.000 palo lačhardipe rromane thanengo thaj 100.000 dinarja palo ćerdipe LAP-osko. Katar love savo si ulado palo sićope alavardamen ko Pokrajinako sekretarijato pale privreda, bućaripe thaj jekhetanipe polurjengo palo sufinansirie ćinimasko e lilengo.
Ando savo kotor Dekadako e Rromengo sas majbut ćerdino ande Subotica?
Andko kotor sikavimasko, a majcîrra ando kotor bešimasko thaj bućarimasko.
Sar anasa kvalitetno avutnipe pala rromano amalipe?
Angluno thaj fundosko kamipe si averčhandipe varosko sar dićhelpes o than rromane amalimasko odolaći kaj vo dži akana či lija kotor ando amalimasko lačhardipe ando politikano trajo. Akana, krozal nakhadipe inkluzijako ando sikavimasko sistemo, theras nevo šajipe. No, musaj te avas but čačarde ando dikhavipe godole šajimasko. Rromano amalipe poloće sićol sar te avel jekhetanimasko kotoe amalimasko. But si semno te fundosaras e rromani intelektualno elita savi ande avutnimašći vrjama avela gatisardi te lel udžilipe.
Sar naćhel tumaro jek bućarimasko đes?
Butipipe bućarimašće vrjamako nakhavav ande kancelarija kaj inćarav svato e forutnenca, đinavav thaj ćerav analize katar averčhande dokumenturja, majdur, džav vi ando lokalosko korkorroortuipe. Simen buhljardo sistemo. Kova so ćerdam sar neformalno serviso forutnengo dži akana si čhutino ande forma. Godova sikavel kaj sa kova so akana bućarav sar koordinatorrp bbućardem vi majanglal.