E RROMA KAMEN TE ĆEREN BUĆI
0
Vakti: 1 min.
Ando Aleksinco trajil baro đindo e Rromengo thaj si odolaće dodatno importantno thaj ašarno o čačipe kaj o amalipe forutnengo „Čerain“ andar kava gav dobisarda javno bući po konkurso.
Foto: Nacionalni savet Roma
Trujal kava amalipe trin Rroma (Vladimir Kolompar, Živan Pavel i Stanko Nikolić) andar Aleksainco aresle džiko šaipe te ćeren bući thaj aven džike love. Von e buća sar kaj si šlavipe thaj inđaripe otpadosko, hanavipe thaj te raskrčin o hendeko ćerdine pe teritorija Foroske ćheresko.
Aleksinco ande vrjama katar štar čhon (katar 1. julo džiko 31. decembro), a e forutne Tovarišoske pe godova butimasa pozitivno reaguisardine. Katar jekh purano forutno Tovarišesko avilam džiko džanglipe kaj o šerutno hendeko savo naćhel prdal o gav thaj akumuliril e bršîndosko paj, thaj athoska transportuil les avrjal o gav, nas šlado nekozom dešebršutnimata majanglal.
Leski funkcija sas butimaske cîknjardi. Kale bućenca godoja funkcija si irisardi po majangluno nivelo, a so si butimaske importantno pala sasto gav. Šeća Kolompar, anglo Amalipe forutnengo „Čerain“, phenda amenđe so sas o razlogo kaj prijavisajle po konkurso ando foro, pala lesko semnosaripe numaj vi palo pharipe savo sikadape kana trubuine te araćhen trin Rromen ando Aleksinco ćeren kala buća.
Ando amalipe forutnengo „Čerain“ haćaren kaj si kasave konkursurja o šaipete e Rroma den ando sistemo bućako thaj te gajda haćarenpe barabarikane thaj korisne membrurja amalimaske. Andar kava razlogo andine e odluka te prijavinpe po konkurso, a but naisaren e Pokrajinaće sekretarijatoske pale bući.
Bućaripe thaj bijandimasko jekhipe savo gîndisardale thaj sasto realizuisarda les. Sa avilosas još majpherdo thaj još majsukcesutne te kasave projekturja aven so majbut thaj te ande lende piro kotor len so majbut Rroma, numaj sa jekh inicijativa savi majlačharel o statuso e Rromengo si bari, importantno thaj zaslužisarda te ćerelpe o svato thaj ramolpe pala late.