Sićope e Rromengo-maškar strategija thaj prakse

Pharimata palo sićope e Rromengo si kotor raštraće politikako, rromani phučipe dilja ande strateške dokumenturja save si phangle palo sićope, sar vi opšte thaj sektorske strategije thaj akcione planurja save si phangle buhljaripe Srbijako thaj procesoandralunimasko ande Evropaći Unija.

 

No, bimištaripe rindo ačhadimasko palo savo gatisripe či lelpes pristupo savo trubul. Ande Srbija, sar vi ando butipe aver raštrengo, pale Rroma thaj sistemo sikavimasko naj čačimaske informacije. Nakhline efta Dekadaće brša, no inke naj fundosari sistematski metodologija palo dikhavipe aresline rtezultatonengo ande sa kotora Dekadaće, ando savo si vi o sićope.

 

Si but pharimata thaj ačhadimata savenca rromane čhavorra malavenpes thaj save rromane čhavorenđe majpharaven thaj ačhaven lengo sićope. Varesave lendar si: limitirime pristupo palo sikavimasko sistemo, vučo đindo mukhlimasko thaj majangluno mukhipe sikavimaske sistemosko, majkovlo kvaliteto sikavimasko, baro đindo čhavorrengo ande specijalne sikavne thana jal klasurja, baro đindo ande sikavne thana palo sićope pherdebršengo manušengo, averčhande kotora katar garadi jal putardi diskriminacija thaj segregacija, bipaćivalipe ando rromano identiteto.