Romani čhib thaj standardizacija
0
Vakti: 1 min.
Foto: Privatna arhiva
Metju Njuton andar e misija Oebs phenda te ande palune brš e Srbija therda paso anglal kana si svato andar e inkluzija e Romengi.
Numa, sar mothoda, vi kaj therdo paso anglal si maj „lungo drom anglal amende kana si o dićipe e themesko pe romano kolektiviteto thaj aver minoritetuja“.
Butivar kodova dićipe si pherdo stereotipurja thaj varikana nakhen vi ande predrasude, diskriminacija sar vi marripe., mothoda o Njuton pe konferencija „standardizacija romane čhibako.
Raštrake institucije therdine anglunipe ando nakhadipe e strategijako palo anglunipe e Romengo de katar 2009. kana teljarda te nakhadol, mothoda u Njuton.
Šerutno po romano nacionalno konsilo ande Srbije o Vitomir Mihajlović, phenda kaj o konsilo dešebršenca therelas pe standardizacija katar e romani čhib.
Godoja standardizacija , mothoda o Mihajlović, si importantno te e romani čhib avel službeno čhib ande Srbija.
Po bešipe sas vi o šerutno katar e lilengo ćher Dragoljub Kojić savo phenda kaj si e „čhib kher manušengo“, thaj kola saje bistren les bistren vi piro identiteto.
„Romano kolektiviteto ande Srbija šaj putardes te del sae inicijative saje anela te arakhadol o identiteto katzar o romano them, a jekh katar godova si vi e romani čhib“, mothoda o Kojić.
Vo phenda kaj pe standardizacija katar e Romani čhib šaj ažutin vi e medije, aj maj but e elektronske medije.