PALO MAJTATO ĆHER
0
Vakti: 1 min.
Guverna Inđija kupatebućarimava e Pokrajinaće gavermentova, a po fundo Konkursosko palo majlačharipe bešimasko e Rromengo thaj e Rromnjengo pe teritorija guvernaći Inđija, dija građevinsko materijalo majtardžarde Rromane familijenđe. dešuefta Rromane familije konkurišisardine thaj dobisardine građevinsko materijalo sar šaj te lačharen pire ćhera thaj te lačharen len palo avindo ivend.
Foto: Kancelarija za inkluziju Roma
Milo si manđe kaj e Guverna Inđija nakhavel e akcija phangli palo majlačharipe kišlipenego palo bešipe Rromengo thaj e Rromnjengo. Kova so si prioriteto ando avindo periodo si vorta majlačharipe kišlipenengo palo bešipe, a kava si o akharipe aver lokaloske korkorroortuimatenđe te uključinpe thaj te aplicirin pale projekturja phangle palo bešipe Rromengo.
Deš guverne konkurišisardinepale projekturja “Trajna stambena rešenja i unapređenje fizičke infrastrukture u romskim naseljima” savo ramosarda Evropaći komisija thaj kamlemas te aven zurjarde trujal o projekto. Fundosko reso projektosko si majlačharipe trajetoske kišlipenego ando Rromengo ćidipe, trujal vazdipe neve ćherengo, semno rekonstrukcija akanutne ćherengo ande Rromenđe bešimaske thana, sar vi majcîkne adaptacijaće thaj rekonstrukcijaće buća.
Kava si palo naisaripe pale guverna Inđija thaj palo Gavermento Vojvodinako. Šaj naisaras lenđe kaj amen realizuisardam o projekto thaj kamas te realizuisaras so majbut slične projekturja sar e kišlipena bešimaske e Rromenđe majlačharenaspe”, poručiosarda o koordinatoro pale Rromenđe phučimata guvernako Inđija.
Ande Dekada majcîra miškuipe si ćerdo ando angrusnipe bešimasko, odolaće kaj trubul majbut vastušeja, odolaće si kasave konkursurja trubusarde kaj miškuin vi kaja tema thaj ćeren te e kišlipena bešimaske Rromane familijengo majlačharenpe.