INICIJATIVA TE PUTRELPE O MAŠKARIPE PALO ZURALIPE E RROMENGO
0
Vakti: 1 min.
Anglalmothode Germanijaće bithagarimaske organizacijako SODI (Solidaritätsdienst International e.V.) pe savjako anglunipe si Sara Koliga maladine ando Ćidipe AP Vojvodinako thaj direktorosko Kancelarijako pale inkluzija e Rromenđi.
Foto: Vlada Vojvodine
Palo malavipe sas e inicijativa te ande Republika Serbija formirinpe maškaripena palo inzaripe zuralimasko forutnenđe Rromane bešimaske thanengo ando aresipe fundoske manušenjđe ortonengo. O projekto ulavelpe po juristikano ažutipe Rromane forutnenđe ande angrusnimata: sastimasko, sićimasko thaj bešimasko. O projekto nakhavelape ando Kragujevac, Novi Sad thaj Požarevac.
SODI si fundome 1990. brš thaj voj si juristikano kuštikisarutno (naslednik) “Odbora solidarnosti” ande varekanutni puraboski Germanija. Ande vrjama amalimaske arlisaripesko vi o amalipe nakhla trujal arlisaripe. Ande anglune brša line e obligacije »Solidaritätskomitee” palo sićope averthemeske studentonengo thaj kvalifikuime bućarnengo a ande isto vrjama line piro kotor ande projekturja ande phuvja ando buhljaripe.
Ćeren bući sar partnerja e organizacijenca civilno amalimasko numaj vi e raštraće organonenca ando reso zuralimasko personengo e invaliditetova. Projekturja palo reso silent e areselpe o orto po trajeto thaj fizičko integriteto, socijalne thaj ekonomikane orte. Posebno fokus čhutine pe orte manušnjenđe, orte čhavrenđe, minoritenđe thaj personenđe e invaliditetova.
Amalipe Rromane studentonengo ando kupatebućaripe e Forumova Rromengo Serbijako thaj Germanijaće bithagarimaske organizacijava SODI, planirin te ande majbut forurja Republikaće Serbijaće miškon putardipe maškaripengo, save avilesas čhutine ande Rromenđe bešimaske thana. Maškaripenđe role avilesas te inzaren zuralipe forutnenđe Rromane bešimaske thanengo ando aresipe fundoske ortonengo, sar kaj si orto po sastimasko thaj socijalno arakhadipe thaj orto po sićope.