PALE MAJLAČHI THAJ MAJEFIKASNO BUĆI

O seminaro inćardape ando Novi Sad, šerutni tema sas sikavipe Strategijako pale socijalno inkluzija e Rromenđi thaj Rromnjenđi 2016-2025 brš. E učesnikurja arlisardine piro džanglipe ande bući. O seminaro poslužisarda vi pale prezentacija džiakanutne aresipengo pe umalin majlačharipe statusosko e Rromengo ande AP Vojvodina.

 

Po anglunipe učesnikonenđe seminaroske boldape e Jelena Jovanović, poslaniko ando Ćidipe AP Vojvodinako, podprezidento Ćidipesko AP Vojvodinako thaj prezi dento Konsilesko pale integracija e Rromenđi. Kana putarda o ćidipe, podprezidento Ćidipesko Autonomno Pokrajinako Vojvodinako, sikada po importaliteto edukacijako ando reso majlačharipesko statusosko e Rromengo ande Republika Serbija thaj AP Vojvodina.

 

Strategija pale socijalno inkluzija e Rromenđi thaj Rromnjenđi ande Republika Serbija si strateško dokumento savo palo period katar inja brš intenzivirila e bući institucijenđi po nacionalno thaj lokalosko nivelo palo phučipe socijalno inkluzija e Rromenđi thaj e Rromnjenđi thaj harnjaripe lenđe diskriminacijako, numaj te ćerenpe e kišlipena palo pherdo pašunipe ko aresipe manušenđe ortonengo personengo Rromane nacionosko. O dokumento učharel pandž prioritetne angrusnimata: sićope, bešipe, bućaripe, sastipe thaj socijalno arakhadipe

 

Palo buhljaripe forutnengo amalimasko trubusardo si aktivno učešće thaj kupatebućaripe se subjektonengo amalimasko jal vi bithagarimaske organizacije pire bućava šaj te den baro doprinos. Kava seminaro si još jekh doprinos palo majlačho, majkompetetuno thaj majefikasno bućaripe koordinatorengo thaj anglalmothodengo NVO te inzaren e usluge, ažutipe thaj o zuralipe Rromane ćidipeske.