Rromane paramiča: Kulušaći paramiči

A gov thagar jekh djive dijah muj pe sa e thema: Savo manuš šaj arakhadinajvola te anel lehte lehće grasnja thaj laće inja kurorren ka hi pala la andar lehći, e thagarehći umal, kaj kam-del leh gov pire raklja. A kana ašunde gova e trin phral, von pale lije te tradinajvon savo kam majsig džal te anel e thagarehće grasnja thaj laće inja khurorren ko thagar te o thagar del leh pe raklja. Akana kamela o phureder phral te džal, a pale kamela i o maškarutno.

 

Angolehte o maj phureder lijah-pe, vazdinjalo thaj djelo-tar ke thagarehko ćher. Kana vov avilo inća, dikhlah leh e thagarehći rakli thaj vaćardah lehće: Me džanav sohće tu avilan. Tu avilan te aneh e thagarehće raklja thaj laće inja khurorren andar e umal. A gova inaj grasni. Gova hi sar bahval e limorašendji kaj šaj ande sa ćerel[1]pe thaj te daravel e manušen.

 

A te tu kameha te man idjareh, tu kam-ćereh thaj vaćareh sar kam me me ćuće mothovav. Tu akana dža thaj le ćuće jekh šuvar inja okalendji thaj dža ande umal thaj kana aveha paše ke goja grasni, a tu vaćar laće: Male, Kulušene, me sem ćo čhavo o Nakarada. Na tu te xolajvoh pe mande, na te ćereh mae khanči. Pegolehte vov djelo thaj lijah jekh šuvar inja okalendji thaj djelo ande goja umal ke goja grasni. A kana pašilah late, vov phendah laće gaja sar sikadah leh e thagarehći rakli, a voj niči ni thanehtar miškosalji.

 

Angolehte vov thodah pe lako šoro goja šuvar e inja okalendji thaj andah la tala e thagarehće putarde /pendžerave/ thaj dijah muj e thagareh, vaćarindo lehće: Ake, dikh, thagareja, hi li gava goja ćiri grasni? Dikh lačheh, na te majpalal khanči vaćareh kaj me ni andem tuće gov ćire grasnja. O thagar vaćardah lehće: Me dikhlem. Av-tar tu akana upre mande ande mi sovardi. A kana vov iklisto upre ko thagar, o thagar lehće phendah: E, kana tu šaj andan me grasnja, e Kuluša, me akana kamam te tu džah ke divuri thaj te čalaveh e najeha pe lengo tamburi te ašundol. A te na tu gova ćereha, me kam-ćhinav tu. A te šaj tu gova ćerdan sarkaj andan mae e grasnja, me kam-dav tu e raklja. Angolehte vov pale djelo-tar ke rakli thaj mothodah laće so phendah lehće o thagar kana te ćerel. A te na šaj gova ćerdah kaj ka-ćerel lehtar bilačhipe, ka-mudarel leh.

 

Angolehte e rakli pale mothodah lehće sar trubuj vov te vaćarel. Tu akana kana leha te džah, tu le tuha e kangli thaj e djivehći čhuri, o djiv kaj ćhindol-pe laha thaj 238 gaja džando tu kam-aveh džike jekh paj savehko anav hi Kavdako. Tu kam-nakheh pe okoja rig e pajehći, a inćate hi e divonedji phuv. Pegova vov irisaljo katar e rakli thaj lijah peha sa gova so e rakli phendah lehće thaj lijah te džal. Kana vov reslo inća ke divonendji phuv ke gov divujra, vov dijah ando ćher, arakhlah e divondje da kaj lijah e čučenca te porravel o praxo thaj te praxoj lenca o marno ande jag.

 

Vov vaćardah laće: So tu gova ćereh? Male, divkinjone, ćire kolinehtar thaj ćire čučendar? Na tu gova ćer! Ake me andem tuće o vatralici. Tu šaj leha praxoj o marno, a te na phabareh će čuča ande jag. Voj phendah lehće: Ake, gaći brš hi sar me mrne kolineha učharav o čamblo ande jag, a nisavo mrno čhavo našti dijah-pe godji te anel mae o vatralici, a ake tu andan mae. Gaja vov varesar dikhlah sar ande jekh tati sovel o divo, a upral lehko šoro saha umladi e bašaldi. Angolehte vov sar ande goj sig prastijah, gaja vov čaladah e najeha anda laće strune bašalne thaj voj lijah te bašalel. Akana vov so šaj majsig dijo-pe ando našipe, a gov divo xuklo thaj lijah te prastel pala lehte.

 

Gaja vov našindoh angla o divo, avilo džike jekh plajin, a gov divo prastandoh pala lehte pašaldah leh the kamel te istarel leh. Kana vov dikhlah so kam-a-pe leha, vov čhudijah e kangli pala pehte, a gova jekhvaratar ćerdinaljo gasavo voš kaj o divo našti astardah leh. Džikaj o divo nakhlah gov voš, vov našlo-tar duj droma gaći majdur angla o divo. A kana o divo pale iklisto andar gov voš thaj lijah te prastel pala lehte e bare sigarimaha, palacirra reslaha leh the šaj astardaha leh. Angolehte gova pale čhudijah pala pehte goj djivehći gasavi, e čhuri, a gova sa ćerdinaljah bare barra the plajina, sa so hi maj pharipe, sar o divo našti resela leh. Džikaj o divo nakhlah gasave bare plajina, angolehte vi gov raklo našlo-tar ande piri phuv thaj avilo ko thagar. Kana dikhlah leh o thagar kana vov pale vi gothar irisaljo džuvindo, vov dijah leh gov pire raklja. Palagolehte lije te pharron pe sa e riga e jagalja thaj e topujra te džanen e manuša kaj o thagar therdah barikane džamutreh.

Dije muj: Ake e barebuljendjirehko džamutro! Te hi džuvindo, vi akana hi lehće lačhipe.