ROMAVERSITAS PROGRAMO ANDO FORO NOVI SAD
0
Vakti: 1 min.
Vojvodinako rromano centro pale demokrtija nekozom brša nakhavel o projekto Romaversitas ando Novi Sad savo učharel Rromano edukativno fondo andar Budimpešta.
Foto: Romanenevimata.rs
Romaversitas majnaglal putardapes ande varesave aver raštre, a akana si vi ande Ungriko, Makedonija, Crna Gora thaj e Srbija. Dži akana e Romaversitas sas numaj ande Vojvodina, a katar nakhlo akademikano brš si vi ande forurja Kragujevac thaj Niš, odolaći kaj vi pe kala univerziteturja si but rromane studenturja.
Ando akademikano 2023/2024. brš teljarda ašunimasa te nakhavelpes o projekto Romaver- sitas ando Novi Sad. Jekh katar maj semne kamimata sas te ćerenpes jekhutne šajimata palo sićope rromane studentonengo pe Univerziteto ando Novi Sad. Majanglal sas ćerdine butimašće averčhande rodimata te dićhelpes save i čačune trubulimata rromane studentonengo.
Kana e sikavimatarja alavarenes pala afirmativne mere, amen inćaras o lil pale avutnimašće studenturja save ande godoja akademikani brš sićona ando Novi Sad, ćeras kontakto lenca, akharas len thaj ćeras lačheareslimata ande amari kancelarija.
Jekhvar po čhon akharas sa e studenturja thaj das informacije pale sa so ćerelpes. Ando Romaversitas inćaren e baza informacijenđi pale studenturja, a ando jekh akademikano brš inćaren šovardeš studenturja, maškar save si vi aktivne thaj neaktivne.
Sar vi po sa jekh projekto, šajimata si harnjarde thaj godova sikavelpes vi pe love savo o sikavno therel thaj kozom časurja šaj te inćarel. Te si trubulipe, e sikavne bućaren vi majbut e studentonenca. Praksa sikada kaj sa e studenturja save džan po lundžardo sićope, vi naćhen egzamurja.