ĆIDIPE SIKAVNENGO PE MINORITANE ČHIBJA
0
Vakti: 1 min.
Ande Vojvodina si 344 fundoske sikavne thana e 244 ulade klasurja thaj 131 maškarutne sikavne thana, maškar save si 154 fundošće thaj 44 maškarutne sikavne thana ande save o sićope nakhavelpes vi e čhibja katar nacionalne amalimata (sar jekhčhibale jal dujčhibjale sikavne thana).
Foto: A. Nedeljković
O projekto „Udruženja nastavnika na manjinskim jezicima, inkluzivno i interkulturalno obrazovanje” (Ćidipe sikavnengo pe minoritane čhibja, inkluzivno thaj interkulturalno sićope) zurjavel e Fondacija palo putardo ćidipe, a e kamimata projektošće si fundosaripe asocijako sikamnengo thaj zurjavipe forutnenđe ćidimatenđe save pe teritorija AP Vojvodinaći bućaren palo sićope pe čhibja nacionalne minoritengo thaj buhljaripe inkluzijako sikavimasko pe minoritane čhibja thaj interkulturalno sikavipe.
Ando projekto kotor line Fundosko sikavvno than „Jovan Jovanović Zmaj” andar Đurđevo, Fundosko sikavno than „Ivan Milutinović” andar Subotica, Fundosko sikavno than „Jan Kolar” andar Selenča, Fundosko sikavno than „Matko Vuković” andar Subotica, Fundosko sikavno than „Jan Amos Komenski” andar Kulpin thaj Fundosko sikavno than „2. oktobar“ andar than Nikolinci.
Pale godova, jekh katar rîndo projekoko savo bućarel palo sićope thaj interkulturaliteta si vi o projekto „Udruženja nastavnika na manjinskim jezicima, inkluzivno i interkulturalno obrazovanje”. (Ćidipe sikav- nengo pe minoritane čhibja, inkluzivno thaj interkulturalno sićope). Po agor junosko sas inćardo gatisarimasko kotor projektosko sar angrustijali sinija talo alav „Socijalna inkluzija, interkulturalnost I Asocijacija nastavnika na manjinskim jezicima.”
Forutnimasko fondo „Panonija” inćarel ando plano te ćerel akciono plano palo lundžaripe inicijativako palo majbuhljaripe sikavimasko pe čhibja nacionalne amalimatengo thaj fundosaripe Asocijako sikavnengo, so si vi gatisarimasko kamipe kale projektosko.