INSTITUCIONALNO GATISARIPE PHARIMATENGO RROMANE STUDENTONENGO

Me sem aktivno ando rromano amalipe katar angluno brš fakultetosko, majčače katar 2022. Semas vi pe but averčhande seminarja pale trenerja ando kotor sikavimasko terne studentonengo e Rromengo thaj maškarutne sikavne thanesko. Teljardem te bućarav ando bigavermentosko ćidipe gajda kaj inćardam e treningurja thaj gajda pindžardem majterne studenturja thaj therdam lengo paćape.

 

Haćardem moralno udžilipe te ažutisarav majterne studentonenđe kaj lenđe bijandimatarja naj sikade kozom trubul thaj či džanen sar te ažutin lenđe. Das lenđe e informacije save simen. Pala sa godova, man liparda e Unija rromane studentonenđe thaj me sem akana ando Parlamento. Me naj sem jekhutni savi bućarel pale kasave pučhimata. Majanglal pe kaja funkcija sas o Mirko Kaldaraš.

 

E rromane studenturja inćaren pharimata sar vi aver studenturja, a maj bare pharimata si dinipe andre ande studentoske thana, therdipe stipendijako katar Ministerijumo prosvetako, finansijaće pharimata kana e studenturja naj love te poćinen sićope tha e lila save si but kuč, sar vi aresipe ke računarja thaj interneto. E stipendije but ažutin, no aver rigatar anglal lende si uslovurja te čačaren jekh nivelo bodurejngo. Majdur, či džanelpes đindo studentonengo po Univerziteto kaj baro butipe lendar ramosarelpes po fakulteto no so gatisaren len.

 

Losardi sem katar mungrre kolege te vaćarav lengo gîndipe, te pučhav ando lengo alav thaj te zumavas te gatisaras lenđe pharimata. No, trubul majbut, me naštik korkorri te sar vareko anglal Rroma bućarav, no trubulipe si te si manuša save kamen te ćeren vareso, te anen averčhandimata, a me sem maškarutni ando khetanimasko bućaripe. Numaj te bućaras khetane, šaj te čačaras rezultaturja save kamas. Pe amende si te ćeras vareso, a jekhutno si semno te simen ideja thaj voja.