Studijaći vizita ando Brisel

Fondo palo putardo ćidipe andar Budimpešta zurjarda e realizacija projektošći „Izgradnja kapa- citeta Kancelarije za inkluziju Roma“. Kotor kale projektosko sar vi studijska vizita ande Evropaći komisija ando Briselo, talo zurjavipe Fondosko pale Evropaće bućarimata AP Vojvodinako ando Briselo.

 

Ando Direktorato Evropaće Komisijako palo buhljaripe inćardo si maladipe po savo sas e manuša andar kava direktorato, raj tristan Le Berigot thaj raji Dita Kudelova andar Kotor pale Srbija. Po maladipe sas harno sikadino bućaripe thaj kamimata Kancelarijaće pale inkluzija e Rromenđi. Ando svato si inkaldo kaj si čačarde rezultaturja ando kotor majbuhljarimasko thanengo e Rromengo ande AP Vojvodina, detot ando kotor sikavimasko thaj bućarimasko, so si katar baro semnipe.

 

O raj Tristan detot liparda o fakto kaj e Kancelarija pale inkluzija e Rromenđi, ciknjarde finansijaće šejenca, aresla bare rezultaturja ande sa kotora. Inkaldo si kaj o rromano nacionalno amalipe si vi majdur ando pharo socioekonomikano thaj ortuimaskopolitikano than thaj kaj Evropaći komisija nakhavel baro bućaripe teažutisarel pes Republikaće Srbijaće ando gatisaripe liparde pharimatengo.