Eposko dićhipe Rromane trajosko
0
Vakti: 1 min.
Rromano lilaripe ande Rumunija (raštra ande savi si but Rroma) inćarda but semne lilarimatarja ando dumuntipe, no ando moderno lilaripe. Majsemno lako sikavimatari si Jon Budai-Delenau (1760-1820).
Sa prvog Svetskog kongresa Roma održanog u Londonu 1971. godine
Kava lilarno bijandapes ando jekh gav ande Transilvanija ando savo ađes trajin but Rroma. Sićilo e teologija, filozofija thaj orturja ando Blaž, a ando Bečo doktorisarda e teologija. Mapalal sas sikavno ando Blaž. Zbogal ćićidpe katar kolevrjamako khnađirako klero, musaj te miškosarelpe thaj te araćhel nevo than bešimasko. Godova sas o foro Lavov.
Lesko majsemno kotor fundosardape ande vrjama katar 1800. džiko 1812. brš, a sasto inkaldapes ande 1925. brš. O alav si palo epo Ciganijada. Ande piro lil Istorija romske književnosti Rajko Đurić palo kava epo mothol: “Teksto, ramosardo vastesa, khanđirakoslovenske lilarimava, ande ođi katar pindžardo Servanteso, sikavel satira katar kolevrjmaće thagarimašće thaj ođarimašće šajimatengo ande godoja raštra.”
Ande 1999. brš ando Temišvaro sas sikadino kritikosko inkladipe epososko “Ciganijada”. No, o them či pindžarel kozom trubul kava lilarimasko kotor, dićhimasa pe godova kaj naj nakhado pe themešće čhibja. Budai-Deleanu lel maškarutno than ande istorija katar rromano thaj rumunsko lilaripe.