PALO MAJLAČHO, EFIKASNO BUĆARIPE
0
Vakti: 1 min.
Kancelarija pale inkluzija e Rromenđi po agor junosko inćarda o trinđesesko seminaro pale koordinatorjapale rromane pučhimata. Koordinatorja pale rromane pučhimata andar dešuštar guverne ande Vojvodina inćardine šajipe te pindžarenpes bućarimava katar Pokrajinako ombudsmano sar vi bućarimava katar Paćardimatari palo lesamalipe jekhetan
Foto: Kancelarija za inkluziju Roma
Specijalizuime džipašerutni pokrajinaće ombudsmanosko palo lesamalipe orturjengo nacionalne minoritengo sikada bućaripe pokrajinaće ombudsmanosko krozal pindžaripe bućarimasko ombudsmanosko thaj šajipe palo varipe leske. Džipašerutni pokrajinaće ombudsmanosko sikada palo baro đindo mothodimasko savi therda kaja institucija talo fundo diskriminacijako čhavorrengo ando sićope.
Dijape svato vi pale sikadimata lačhe praksako sar vi gîndimata thaj mothodimata katar ombudsmano. Detot interesantna tema pala koordinatorja sas sićope thaj nakhadipe merenego afirmativne akcijako.
Koordinatorja pale rromane pučhimata sikadine kamipe te kava interesantno thaj inovativno varo ando maripe opral stereotipurja thaj diskriminacija krozal amalimasko svato kolenca save si averčhnade butimastar, krozal džudo alav, te sikavelpes vi ande lenđe guverne.
Kava seminaro si inke jekh šej palo majlačho, majefikasno bućaripe koordinatorengo pale rromane pučhimata ando dinipe uslugurjengo, ažutimasko thaj zurjavipe rromane amalimašće. Fundosardo si vi kontakto kole institucijenca save marenpes opral predrasude thaj diskriminacija, save detot dićhenpes pale Rroma.