Asamasa opral bilačhipe
0
Vakti: 1 min.
Po anglluno drom sas anglal e publika thaj bahtardalen. Pe scena inkljisto odolać kaj lešće dejeće, savi sas đilabimatarka, ando jekh momento kana đilabada ando baro “pharadape” o krllo. E scenatar đelo bare aplauzova. Aska dikhlape kaj avela kamlisardo e manušendar. Thaj gajda vi sas.
Printskrin: YouTube/Paul Mina Storm
Pindžardo artisto Čarli Čaplin bijando si 1889. brš ando Volvort, čorro kotor Londonosko, talo alav Čarls Spenser Čaplin. O dad Čarli Čaplin majpurano sas Rrom, matardo, savo mekhla piri familija talo bijandipe pire čhavosko. E dej lešći sas artisto Lili Harvi, savo đilabada ande birturja.
Kana lesko dad mulo, e dej nasvajli katar živcurja thaj sas ande špitalo. Tale famililjaći tragedija, majanglal sas čhutino ando čorrimasko than, a aska vi ando sikavno than pale čorre, kaj sićilo trin brša. Godova sas lesko sićope savo therda. Ande godova vrjama e Čarli pire opašphralosa Sidijava phirda e sokačenca. Avutnimašći čerajin bućarda sar berberino, trgovco thaj bućarno ande fabrika, no vi sićilo o ćhelipe thaj akrobatika.
Mulo ando suno, pe Kulunda 1977. brš ande Švajcarska, no lešći komedija vi majdur lundžardape. Lesko trupo, prahosardo pe limori, čordine e emigranturja andar Poljska kamimasa te roden e love lašće familijatar. Tale godova sas prahosardo sar vi majanglal, no talo thulo kotor betonosko.