Maripe mamuj diskriminacia mamuj e Roma si ključno prioriteto pala socijalno inkluzija
0
Vakti: 2 min.
Ministeriumi vash Manushikane thay Minoritetyengo Hakaya thay Socialuno Diyalogi dende pe janipe avdive ano shaipe e Mashkarthemutne Diveseskoro vash Eliminacia Rasno Diskriminaciaki, kay o maripe mamuy savore forme e rasizmesko thay diskriminaciako, specialune kana vakergyola vash o Roma, si yekh kotar sherune prioritetya ano fremi e establirime masurengo vash socialuno inkluzipe.
Foto: MLJMPDD
Ministeriumi vakergya kay numay prekal yekh-averutno respekti, hakeripe, dialogi thay toleranca shay te vazdingyol may shukarno amalipe thay komuniteti kova sito putardo vash sakova individi thay socialuno grupa.
Sar vakardo, Srbija si angažirimi te vazdel jekh societeta kote savore dizutnen isi len jekhutne šajipa, bizo dikhibe pe rasistikane, religikane, etnikane ja aver afiliacia jali origina, thaj o Ministeriumi bašo manušikane thaj minoritetenge hakaja thaj socijalno dialogo si angažirime te implementirinel o principo "Na mukhen khonik palal" (LNOB).
Ov si fundavno principo e Jekhethaneske Naciengo 2030 Agenda vash Sastipasko Barjaripe thaj akcentirinel o trubulipe te sigurinel pes kaj sa e manuša, majbut e majvulnerabilno thaj marginalizirime grupe, te oven len jekhutne šajimata thaj jekhutno akseso pe bazikane hakaja, resursura thaj servisura.
Akcentiringja pe kaj Ustav zabraninel o buhljaripe rasistikane, religikane thaj nacionalne xolipasko thaj kaj si garantuime hakaja e dizutnenge thaj avrutne bazirime pe rasa, thaj kaj e Srbia vi del kontribucia ko maripe mamuj rasno diskriminacia implementirindoj pire obligacie andar e Maškarthemutni Konvencia pala Eliminacia sa e Formengi Rasno Diskriminaciaki.
“Ano nakhle berša, Ministeriumi bašo manušikane thaj minoritetenge hakaja thaj socijalno dialogo kergja bari kontribucia te lačharelpe legislativno thaj strategikano fremo e Republikako Srbijako ano umal anti-diskriminaciako, kote so si zabrana e rasno diskriminaciaki”, vakarga ano mothodipe.
O Zakono pala Zabrana pala Diskriminacia, adoptuime ando 2009-to berš, e amandmanurenca thaj suplementurenca katar 2021-to berš, si ande relacia pala aplikabilne maškarthemutne standardura, kana e Strategia pala Prevencija thaj Protekcia mamuj Diskriminacia adoptuime pala periodo katar 2022-to berš dži ko 2030-to berš del zor pala mere pala sistemsko protekcia mamuj diskriminacia.
Avdive si ini starti e kurkesko e solidariteteskoro thay maribasko mamuy o rasizmi thay rasno diskriminaciya, kova lela ji pe 28. marti.
O Maškarthemutno Dives pala Eliminacia e Rasistikane Diskriminaciaki sasa kerdino katar e Jekhethaneske Naciengo Generalo Asamblea ando 1966-to berš (Rezolucia 2142 (XXI)) ande memoria pala o Sharpeville masakro ande Jugo Afrika, savo kerdas pes po 21-to marto 1960-to berš, thaj služil sar jekh xasaripe pala e trubulipe te marel pes mamuj o rasizmo, ande sa e forme e diskriminaciake ande sasti lumia.
O.V.