Sukcesutne Romane džuvlja – inspiracia baši nevi generacia

Kotar e psihologia thaj zakono, dži ko medicina thaj science, dži ko arto – Romane džuvlja sasti Srbija sikavena kaj edukacia si o čaro bašo sukcesi. Ande jekh societeta kaj e predrasude thaj e stereotipura si butivar jekh pharipe pala o progreso, maj but thaj maj but manuša sikaven kaj e zor, dedikeripe thaj suporto katar aver anen rezultatura. Lengi paramiči si dokazi kaj si šajipe te resel pes suno bizo sa e pharipa, thaj lengo egzamplo del zor e terne čhaven te na mukhen edukacia thaj personalno barjaripe.

 

Jasmina Ristić kotar o Niš, akana 27 berša, bešel ki Austria thaj si la diploma ki psihologia. Lako drom kotar e edukacia na sine lokho, numa voj pachalas kaj numa educirime individue shaj te den kontribucia te zurarel pes i komuniteta.

 

"Kana agorisardem e śkòla, me ćhudem man maśkar i sociologia thaj i psihologia, numaj i psihologia sas maj paśe mande." "Me pachav kaj bizo suksesutne individue nane suksesuno komuniteti thaj kaj sa dependinela numa kotar amende", phenela i Jasmina. Lako mesažo e terne romane džuvljenge si jasno: edukacija del sekuritato thaj independenca.

 

O drom ko sukseso sine pharo thaj e Jelena Zlatar kotar o Zrenjanin, savi agorisarda juridikano fakulteti thaj avdive kerela buti ko komunalno krisi. Ko vakti kana voj sikljovelas, voj arakhlja but pharipa, numaj o zoralipe andas rezultatura.

 

"Sas phares, numa me xramosardem man ko so me kamav thaj so mange interesirinel." Miro ciljo si te sikavav e terne čhavenge kaj sa si šajipe. “O siklipe si importantno thaj khanchi nane biśajdo”, akcentirinel i Jelena. Voj pachal kaj o suporto katar e familija thaj o societeto si krujalno vash e edukacija e terne romane djuvljangi, soske "o punkto naj numa te ansurinpe thaj te oven deja."

 

E Kristina Asanović, generalno doktorka savi si la eksperienca ando akutno zutipe thaj pediatria, sar čhavoro džanelas kaj kamel te avel doktorka.

 

"Kana me simas tikno, savore phenenas kaj trubul te ovav vareso aver, numa me džanavas kaj e medicina si miro drom." "Muri sikavni sas la baro efekto pe mande," phenel i Kristina. Lesko mesažo si lokho, numaj zuralo – e opinie e javerenqe na trebal te oven obstakulo po drom karing tumaro ciljo.

 

Advokati thaj aktivistka Marija Banović Bogosavljević taro Kruševac dikhela edukacia sar drumo ko sasto socijalno paruvipe.

 

"Kana phenes 'Roma', kodo na maj phenel 'bi-edukaciake'." I situacia ko Kruševaco si aver akana. "So maj but terne rom agorin e gymnasium thaj univerzitetura, thaj kodo del man nadzea pe jekh maj securno futura" phenel e Marija. Prekal piri juristikane praktike, ov ažutil e komuniteta thaj marel pe bašo hakaja e Romenge, akcentirindoj kaj i edukacia si zoralo instrumento bašo socijalno paruvipe.

 

Rodipaski buti ano Tehnologiako fakulteti ano Novi Sad dende shaipe e Mirjana Sulejmanović te ovel eksperti ano piro than. Lako mesažo e ternenge si te na mukhen e edukacia, bizo dikhipe e pharipaske.

 

“O suporto e familijako thaj e komunitetosko si importantno, numa o perzeverancija si so anel sukseso”, akcentirinel i Mirjana.

 

I Monika Ajvazović, majstro ande politika thaj socialo bućarni, ćerel sama pe dodaće obstrukcije savencar e romane džuvljija, specialno odola saven si maj kalo thuli, arakhen pe ando amalipe.

 

"O majoritetno societeto trubul te haćarel kaj i edukacia naj privilegija numaj vaś varesave grupe." "E romane džuvlja arakhen pes but predrasudenca, numa o maripe thaj o čhinavipe anel rezultatia" phenel i Monika.

 

I Nađa Greku andar o Beograd, sar programosko menadžeri ando ERIAC akcentiril e importanca katar familijako suporto palo sićope e terne romane džuvljengo.

“Miri familija khelgja bari rola ki miri edukacia thaj barjaripe. “Suporto taro dada thaj deja, škole thaj societeta si trubujipe te šaj e terne romane džuvljen te ovel len šansa bašo pošukar avutnipe” vakerel i Nađa.

 

Trujal o arto thaj o aktivizmo e Silvija Nešić kotar o Pirot del kontribucija ki integracija e Romenge ando amalipe. Sar dirigenti thaj aktivistka, voj akcentirinel kaj o arto isi le zor te phandel e manušen.

 

"Aktivizmo si te arakhel pes sajekh neve pharipa thaj te laćharel pes problemură anθ-i komunitèta." “Prekal o arto, amen konektirina e manušen thaj putaras neve vudara e terne generacienge”, phenel i Silvija.

 

E paramiče taro akala sukcesutne Romane džuvlja na numa si dokaz bašo olengere zora thaj determiniribe, numa thaj si sar inkurajipe bašo sa e terne Romane džuvlja te pakjan ko peste thaj ko pire sune. Edukacia si zuralo instrumento savo del shaipe te vazdel pes jekh stabilno avutnipe, ekonomikani independenca thaj te del pes kontribucia ko socialno barjaripe. Lengo sukseso si dokaz kaj ni jekh pharipe nane te nakhavel pes thaj kaj svako terni romani džuvli si la o potencijalo te resel peske cilura – džanlipasa, suportosa, thaj zorasa.

 

O.V.