Te phagel pes o bi-lačhipen maškar e terne manuša prekal e workshopura "Akceptirinen, na krisaren"
0
Vakti: 2 min.
Terne kotar o majoriteti thay romane komunitetya khetane ano yek dialogi vash akceptipe thay barabaripe.
Foto: R.S.
Workshopya anavkerde ano Nish kotar o 10 ji pe 12 marti, resle te phagaven o predrasude thay te inkurainen o mashkaruno hacharipe mashkar o terne kotar o majoritetno komuniteti, terne kotar o romano komuniteti, thay terne romane mursha thay juvla nashle kotar e Kosova prekal putardo dialogi. Prekal pandž tematikane workshopia, o kotorleutne diskutiringje o pharipa savenca arakhen pe, sar ini o trubulipe vash majbari inkluzia thaj akceptacia ano amalipe.
O workshopya siton kotor e proyektesko “Zuryaripe e inkluzivune glasyengo e viktimengo, transformipe e narativurengo”, implementirimo kotar o civilune amalipaske organizacie kotar e Kosova thay Metohija, e suportosa kotar mashkarthemutne donatorya thay diaspora.
Yekh kotar o kotorleutne, Ana Jovanović, mothavgya kobor akava workshop azhutingya la te halyovel e situacia e kolegyengi kola nashle kotar e Kosova:
"Na simas informišime so nakhle terne Roma kotar e Kosova. Olengere paramiče resle man thaj akana dikhava olen ano sasto javer dikhipe. Gndinav kaj si importantno te kera beraber podora e haćaripnaske."
Foto: R.S.
Prekal butikeripe e ternenge isilen shaipe te sikljon pobuter vash phagavipe e Jugoslaviako thay pozicia e Romengo ano vahti e maripnasko ani Kosova, legarde e edukatorka Jasmina Lazović. O Lazović dende akcenti pe importanca taro asavke vakeribe bašo avutne generacie:
"E predrasude si maj lokho te phagen pes prekal o dialogo thaj jekhutno haćaripe. E terne manuša si gatisarde te aśunen jekh avres thaj kodo si o ćaćipen te vazden jekh barabar societeta."
Jekh specialo kotor e butjako sas jekh pikturaki sesia, kote so e participantura bičhalde jekh mesažo e paćako thaj solidaritetosko prekal o arto. E butja save si kerde ano akava sesia simbolizirinen o khetani maripe vash akceptacia thaj barabaripe.
E workshopura "Akceptisar, na krisares" sikavde kaj e terne, bizo dikhipe pe lengo fundo thaj eksperienca, kamen te vazden jekh societeta bazirime pe haćaripe thaj akceptacia. O dialogo, edukacia thaj arto sikavde pes sar zurale instrumentura te nakhen o predrasude thaj te keren jekh maj konektirimi komuniteta.
O.V.