E medijura sar ključno pala romani inkluzia
Tamara Jovanović, žurnalistka tari romani redakcia taro RTS, vakerel bašo importanca taro pozitivno misal thaj rola taro mediumia ko phagavipe e stereotipengo thaj promoviribe sukcesno paramiče taro romano komuniteti.
O žurnalistika sas mange sajekh maj but katar jekh profesia – si jekh misia. Sar romani romni, hatyardem o trubujipe te dav lumia pe teme save si ande relacia amare komunitetosa save butivar si neglijime. O romano redakciako timo ko RTS dende mange platforma te sikavav o chacho patreto amare manushengo prekal e paramiche – olengere suksesia, maripa, thaj barvali kultura.
So gindis sar tiro maj baro kontribucia ki žurnalistika?
Gndinav kaj miro majbaro kontribucija si kaj prekal miri buti resljum te sikavav kaj i paramisi tari romani komuniteta si paramisi savorenge amendar. Thovdam e Rromane pučhimata ande maj buhlo socijalno konteksto thaj kade putardam o vudar pala dialogo thaj haćaripe.
Save paramiče katar tiri buti dikhes sar maj importantne?
Mire maj drago paramiče si pa terne manuša save resle te nakhen e pharipa thaj te resen pire sune. Te si von terne muzikantura, sportistura, vaj akademikura, lengere paramiče inspiririnen thaj sikaven kaj but šaj te resel pes e zumavipnasa thaj e komunitetosko suporto.
I Tamara Jovanović del amen godĭ kaj o dedikàcia, i empatìa thaj i zor si o ćàso vaś te keras jekh societèta anθ-i savi amen savore si amen jekh jekhutni śansa vaś o sukcèso. Prekal lako buti, voj kerdili glaso vash komuniteti savi isi la but te del, thaj lako dedikeripe lela te inspiririnel.