MINISTRURA THAJ REPREZENTANTURA TARO NACIONALNO ROMANO KONSILO VIZITINEN KO TALET KI ZVEZDARA
0
Vakti: 1 min.
O than e garavipnasko aźutil e ćhaven thaj e ternen save si ano riziko, a e themesqe institucie si involvirime te den suporto.
Foto: A.N.
O Ministri vash Manushikane thay Minoritetyengo Hakaya thay Socialuno Diyalogi, Tomislav Žigmanov, Ministri vash Siklipe Slavica Đukić Dejanović, Themesko Sekretari Nermin Balija, thay Generaluno Sekretari vash Nacionaluno Romano Konsilo Bajram Morina vizitingya ano Drop-in Centri vash qhavore thay terne ano riziko taro maripe ko droma ki komuna Zvezdara.
Foto: A.N.
Pe vizita sinelen shaipe o ofisionalune te siklon vash buti akaya instituciaki, kote dela sakodivesutno azhutipe e qhavorenge kotar o 5 ji pe 15 bersh. Exekutivo direktori e Centrosko vash integripe e ternengo, Marko Tošić, prezentingya programya thay servisya e Drop-in Centresko, mashkar lende o than kova sine dendo vash te utilizingyol ano 2007. bersh kotar o Centro vash Socialuno Buti e Komunako Zvezdara. Vov vi sikavda e pharipa savencar o Drop-in Center arakhel pes ano piro sakodivesutno buti, so del suporto pashe 300 chavorenge.
Foto: A.N.
E ministria sikavde piri gatisaripe te den majbaro suporto akale instituciake. Ola akcentingya kay manglape te ovel koordinipe e yavere line ministriyencar thay foroske instituciyencar, vash te sigurinen sastipaskere kondicie vash butikeripe e Drop-in Centresko thay te laqharen o grizhipe vash qhavore thay terne kola siton ano riziko.
Foto: A.N.
Pe agor e vizitako, reprezentya e ministryengo thay Nacionalune Romane Konsilesko akcentingya o vasnipe e khetani akciako kotar o them thay lokalune organizacie vash te den qhavoreske yekh may shukarno avutnipe. Von phende kaj ka den propozalo specifična mere te lačharen e butjarne kondicie e Sheltereske, maškar lende vi te vazden o finansijako thaj institucionalno suporto.
O.V.