Dive e memoriako vaš e romane viktime ando dujto lumiako maripe
0
Vakti: 2 min.
Ano memoraciako kompleksi "Stratište" ani Jabuca, ikergja pes raštraki ceremonia pe o šaipe e Maškarthemutne Diveseskoro palo seripe e Romane viktimengo ko Dujto Lumako Maripe
Foto: NSRNM
Ano kedipe sine kotor e Nemanja Starović, Ministri vash Buti, Buti, Veterania thay Socijalno Afera, reprezentya e diplomatikane korpusesko thay Evreutni Komuna Pancevo, membrya e Srbiyune Armiake, reprezentya e Nacionalune Konsilesko e Romengo, sar ini buteder dizune .
Nezhdet Mustafa viceministri vash komunitetoskere relacie ani Republika Utarali Makedonia, Veljko Kajtazi, Deputato ano Hrvatsko Parlamenti, Zoran Dimov prezidenti e Internacionalune Romane Uniako, sar ini Suzana Krčmar prezidenti e Romane Asociaciake ani Republika tari Hrvatska, avilo ki ceremonia thaj thovda krance "Cali Sara".
Foto: NSRNM
E historikane źanglimata phenen kaj pe kadi data ko 1942-to berś, o Heinrich Himmler kerdas ekh exekutivo òrdino vaś i deportàcia thaj i likvidacia sa e Rromenqi anθ-i teritoria e Trinto Reichesqi.
Palo thovipe e luludjenqo thaj paćavipen e viktimengo, e ministri vaś buti, buti, veterani thaj socijalne butja Nemanja Starović, prezidento Rromano nacionalno konsilo Dalibor Nakić, thaj prezidento katar Pančevo Forosko Asamblea Tigran Kiš vaćarde e manušen save sas kothe.
Ministri vash buti, buti, veterani thay socialune butya Nemanja Starović, koya lela sherunipe e themesko ceremonia vash te markergyol o dive e nasvalipasko e Romengo kola mule ano Duyto Lumako Maripe, akcentingya kay si savorengo obligipe thay devlipe kay o memorie vash o dukh kotar o le viktime nisar na xasaren pes.
“Avdive, kana vazdingyam ververutni kultura vash te bistergyol o viktime e nakle maripaske, mangava te mothavav kay amaro ministri, sar ini Raipe e Republikako Srbiyako, ka keren sa vash te siguringyol kay akava baro xasaripe thay dukh kotar o Roma nikana nane bisterdo. Sito amari obligipe thaj devlipe te olengere dukha thaj dukh nikana te na bistrenpe”, akcentirinela o ministri Starović.
Foto: NSRNM
O Dalibor Nakić, Presidento an o Nacionalno Konsilo taro Romano Nacionalno Minoriteti vakergja: „Palo o Roma, baro gendo amare phralikane membrencar taro srbikano thaj evrejsko narodo sine mudarde akate ko monstrumno drom. Amen sikavas amaro respekto vash sa e bidoshale viktime kotar o kriminalo Nacistikano režimo. I lumia našti te bistrel o fakto kaj e manuša andre gele ande nacistikane lagera prekal e vudara thaj ikljon prekal e kamina e krematoriumoske.
Si but dukhavno so baro numero bidoshale chavorengo sas mashkar e viktime. Si amari obligacia te na mukhas e 1,2 milionura viktime ano Dujto Lumako Maripe te oven relativizirime thaj bisterde. Amen, e Rroma, trubul te barjaras jekh kultura pal-e naśavimata. Ko romano čhib nane lafi bašo "maripe", o Roma molinena baši paća - o manušikano dživdipe si o majšukar thaj Stratište si o than kote so valjani te sikavel pe.
A.N.