Forumo vash Romano Aktivizmo 2024: Dedikimo vash inkluzia thay phagipe e stereotipengo

Organizatori e kedipaske sine Ekumenikani Humanitarno Organizacia (EHO), ano kooperacia e Ofisoa baši inkluzia e Romenge taro AP Vojvodina, dži kote i programesko koordinatori, Slađana Jovanović, specijalno akcentirinela o importanca taro khetani akcija.

 

“Akava forum sikavgja kobor si importantno te kerel pe buti khetane te marel pe mujal i diskriminacia thaj te promovirinel pe o jekhipe.” Diskusie sine inspirime, a o kotorleutne sine motivime te inicirinen paruvipya ano olengo komuniteti”,vakergya o Jovanović.

 

Jekh taro majimportantno paneli taro forumi sine "Pharipe e stereotipengo bašo Roma ko mediumia", so cirda atencija sebepi o aktualnost tari tema.

 

Branko Đurić, redaktori taro romano redakcia taro RTS, akcentirinela o vasnipe taro odgovorno žurnalistika:

 

“E medie isilen bari zor te formirinen e publikako percepcia. Ko sikavipe e pozitivne misalencar kotar e Romani komuniteta, amen daja kontribucia ko destruktiribe e but fundone predrasudengo."

 

Te thovel pes pe godova, o Aleksandar Nedeljković, dujto redaktoro katar o portalo Romanevimata.rs, vaćarda pe ključno rola e medijengi ando proceso te phagel pes stereotipura thaj te promovirinel pes inkluzija:

 

"E medie na numa trubul te informirinen, numa vi te edukinen." Amari respònsabilitèta si te prezentisaras jekh realìstiko tasvir pal-o ʒivdipen thaj e pharipa savenθar malavel pes i rromani komunitèta, no vi te sikavas sukcesutne paramìśe save inspirisaren thaj phagen e angla-drasude. Odova nane numa profesionalno buti numa ini moralno obligacia”, vakarga o Nedeljković.

 

Ov sikavgya kay akava forumi lela yekh signifikantno shaipe vash o paruvipe e ideyengo thay eksperiencako mashkar o kolegya kotar o mediengo sektori:

 

“Trubuj te vakera bašo konkretne problemia, sar so si o bibućaripe than bašo pozitivne paramiče bašo Roma thaj o frekventno sensacionalistikano drom.” Kompanija Internet Grupa, i.e. o portalo Telegraf.rs, savo kergja amen te informirina e membron taro romano komuniteti ki piri dajaki čhib, si lačho egzamplo savo trubul te džal palo aver medije, sar ki Srbija thaj ko regioni. Amen identifikisardam ključne pasura te lačharel pes o raportiripe, maškar lende maj lačhi edukacia e žurnalistongi thaj maj bari kooperacia e romane organizacienca. Ano akava forumi, anglal sa, dikhljum angazhipe savore kotorleutnengo vash te keren yekh paruvipe, thay odova pherela man optimizmi”,vakergya o Nedeljković.

 

O forumo sikavela buteder teme, sar so si edukacia sar funda vash avutne generacie. Prezervacia e romane kulturake barvalipaske prekal o paneli "Koren taro avutnipe", kote akcentirinela pe i importanca taro identiteti. E sistemikane paruvimata sas diskutime ko panelo "Vindmills of Change", savo putardas e pučhimata e diskriminaciake thaj e šajutne solucie.

 

E kulturake kotora kotar o evento vi von astarde specialno atencija. Angluno dive e forumesko agorisalo e teatralno performancasa, so mukhlja zoralo impresia ko odola so sine ko than. O duyto dive sine markirimo kotar muzikake performanse, kote so festuinena pe solidariteti thay khetanipe.

 

Romano aktivizmesko Forumo si kotor taro proekti „Socijalno inkluzija e Romengo thaj aver phare manušengo ki Srbija 2023-2026“, suportirime tari organizacija HEKS/EPER. Ko evento akcentirinela o importanca taro kontinuirimo buti bašo lačharipe tari pozicija taro romano komuniteti thaj zoralipe taro dijalog.

 

E participantura sas pe jekh gindo kaj gasave forura si but importantne te phagen pes e stereotipura thaj te inkurajin pes pozitivne paruvimata ando societeto. Mashkar e inspiririme vakeribe, o paruvipe e eksperiencako thaj o artistikano programo, akava forumo mukhla duboko than thaj putarda neve shaipa vash o avutno barjaripe e romane aktivizmosko ki Srbija.

 

A.N.