Kulturako barvalipe: Ano Kragujevco festuinela o Maškarthemutno dive e Romane čhibjako
0
Vakti: 2 min.
I čhib sar pudo maškar e tradicija thaj o avutnipe,
Foto: A.N.
O foro Kragujevco, ande kooperacija e Nacionalno konsilosa e Romane nacionalno minoritetosko, kerda jekh centralno evento savo markerel o Maškarthemutno Dives e Romane čhibjako, sikavindoj e importanca te arakhel pes i čhib, kultura thaj identiteto e Romane manušengo.
O evento sine organizirimo ano Knjaževo-Srbikano Teatro thaj sine kotorleutne bare rangjarutne, reprezentia taro ministrija thaj buteder gostija, maškar lende o Tomislav Žigmanov, ministri bašo manušikane thaj minoritetenge hakaja, thaj o Dalibor Nakić, prezidento taro Nacionalno Konsili taro Romano Nacionalno Minoriteto.
Foto: A.N.
Dr. Gordana Damnjanović, asistentka e forosko foro Kragujevco vash sastipe thaj socijalno arakhibe, manushikane thaj minoritetenge hakaja, pozdravgja e dizutnenge, kola akcentirinena o suporto so o foro dela e romane komunitetake ano arakhibe e chibjako thaj kulturako identiteti.
I čhib sar čaro te arakhel pes o identiteto
Dalibor Nakić, prezidento katar Nacionalno konsilo e Rromengo, mothoda kaj festuipe katar Maškarthemutno Dive e Rromenđe čhibjako si maj baro semno soske garavel kultura, tradicija thaj identiteto jek manušesko.
“Amen kamas te das importanca kadale bare diveseske, majbut so e romani chib si pe UNESCO-ski lista pe rizikuime chibja.” Loshav kaj si amen o suporto katar o them te arakhas e chib. “Anglal sa, amen o Roma valjani te kera pobuter buti pe akava – te kera lafi amare čhavencar ki romani čhib, te inkurajina olen te phiren ko predmeti tari romani čhib e elementencar tari nacionalno kultura, te buvljara o netvorko e sikavnengo thaj te da olen profesionalno suporto”, vakarga o Nakić.
Foto: A.N.
O artistikano kotor e programosko thaj e romani muzika
Palo ofisionalune vakeripya, o publikuno qhavoro sine loshako e monodramako “Korkoro”, kherdini kotar e Aleksandra Milojković Novakova bazirimi kotar o teksti kotar e Ružica Vasić, thay rezhirimi kotar o Branko Bašević Gajić. I raća agorisardi e koncertosa e romane muzikasa kerdino kotar o Baro Nacionalno Orkestro telal o direktiribe e Nenad Milanović Pegi.
Foto: A.N.
O festuipe e Internacionalno diveseskoro e Romane čhibjako ano Kragujevco si sar vakaripe bašo importantno te arakhape čhib savi si la barvali historija thaj tradicija. Akava kedipe konfirmingya kay o suporti e themesko si kritikano vash o jivdipe e qhibyako ano moderno amalipe thay zurarel o hacharipe vash komuniteti thay identiteti mashkar o membrya e romane komunitetesko.
O.V.