Roma ande policia - O chacho te avel jekh maj inkluzivio društvo

Ani Administracia e Policiaki ano Bor ikergyape informativuno kedipe vash reprezentya e foroske instituciyengo, instituciyengo thay nacionalune minoritetyengo, kote prezentingyola publikuno konkursi e Ministriako vash andrune butya. O šerutno res kadale konkursosko si te del zor majbari participacia e membronge katar e nacionalne minoritetura ande buti e policiaki zor, specialo e Rroma, po drom te vazdel pes jekh maj lačho thaj maj inkluzivno amalipe.

 

Reprezentantia tari Administracia e Policiaki akcentingje o vasnipe te inkludirinen pe nacionalno minoritetija, akcentirindoj kaj vazdipe e numerosko e Romengo ani policia šaj te del kontribucia te tiknjarel pe diskriminacia thaj te lačharel pe relacie maškar policia thaj minoritetne komunitetia. “I prezenca e Romengo ano policijakere strukture signifikantno afektirinel o zoralipe e dizutnengo paćavipe ani policia thaj o barjaripe e pošukar kooperacijako e lokalno komunitetencar”, vakarga o Vladimir Šainović, prezidento e Komitetesko bašo sićope taro Nacionalno Konsilo taro Romano Nacionalno Minoriteti.

 

Šainović sikavgja kaj majbaro inkluzipe e Romengoro an o institucie sar so si i policia isi baro impakto te tiknjarel pe predrasude thaj te lačharel pe o kvaliteti e dzivdipasko e romane komunitetosko. “Amen gndina kay akaya iniciativa shay te kerel o phanglipe mashkar e policia thay komuniteti, kova sito musayutno vash te vazdel yekh societeti kote savore dizutne ka oven len yekhune shaipya".

 

Avilo konkluzia kaj akava publikano konkurso si jekh drom anglal te kerel pes jekh lačho sistemo thaj kaj e nacionalne minoriteturengi participacia ande leste si trubulipe pala pozitivne paruvimata ande amalipa.

 

O.V.