ALAVARDIPE BEŠIMASKE THANENGO PE ADRESA KATAR CENTRO PALA SOCIJALNO BUĆARIPE
0
Vakti: 1 min.
Kanono palo bešipe thaj trajisaripe forutnengo mothol kaj o bešimasko than sar than ando savo o forutno bešlo kamimasa te ande leste trajil sa jekh vrjama, a than kaj bešel sar than ando savo o forutno trajisarel pe harni vrjama avrjal piro bešavimasko than lundže katar 90 đesa.
Foto: Kancelarija za inkluziju Roma
O forutno šak te alavarel bešavimasko than talo fundo ortuimasko inćarimasko po kasvao than, kontrakto palo poćinipe thanesko jal aver ortuimasko fundo.
Te naštik, udžilimasko organo čhinadimasa čačarel bešipe po than pe adresa:
1) lesko sajekh vrjamako bešipe, te si pherdine aver uslovurja dine kanonosa;
2) bešavipe katar lesko unsuripe jal avrjalunsurimasko partnero;
3) bešimasko than lenđe bijandimatarnengo;
4) than ande savi si čhutino sa jekh vrjama jal maškar palo socijalno bućaripe pe savo than si čhutino, talo alavardipe forutnengo godole thanešće, jal maškarešće kaj lešći adresa avela pe adresa katar kasavo than jal centro.
O manuš jal persona savi kamel te alavarel bešavipe pe adresa katar centro palo socijalno bućaripe pe savi teritorija si, majanglal alavarelpes centrošće palo socijalno bućaripe sar therela ramosardo mištardimasko lil pala alavardipe bešavimašće thanesko pe adresa cetroski pala socijalno bućaripe. Mištardimasko lil aska bičhalelpes udžilimašće organonešće savo čačarel da si pherdine uslovurja palo alavardipe bešimasko thaj anel čhinadipe palo rodimasko rodipe.
Sa khetane 340 manuša si alavardine pe adresa katar organo inćarimasko pe teritorija APV, a štar procesurja palo alavardipe bešavimasko forutnengo ažućarelpes te nakhavelpes.