BIJANDIMASKO BIBARABARIKANIPE AČHEL PO DŽUNGALO EKONOMSKO STATUSO E RROMNJENGO
0
Vakti: 1 min.
Ekonomikano bibarabarikanipe manušnjengo, vi kana butimasa majlačhardape lengo statuso, još vazda arakhadolpe ando korkorro bučumo se aver čhandenđe te haravenpe manušnjenđe orte.
Foto: M. Karadžić
Liparelpe ando saopštenje pokrajinaće Ombudsmanoske odolaće kaj sas 8.marto, Maškarthemesko đes manušnjengo. Ekonomikno statuso butimaske đindosko manušnjengo si džungalo, a lungovrjamaći ekonomikani kriza po butipe barjarda lengo amalimasko bibarabarikanipe.
E diskriminacija po butipe sikavelpe trujal phare manušnja thaj kola save bijandine, save majphare araćhen e bući a majloće ačhen bi bućako. Godova sikavel o indekso bijandimasko jekhimasko trujal savo e Serbija majbut ačhavelpe pale evropaći unija ando angrusnipe bućako thaj isisarel thaj vastarel e lovenca. Bućarne manušnja butimasa si lađarde, pretilpe lenđe thaj si ucenime po bućarno than.
Te uložisaras te aresas bijandimasko jekhipe avela obezbedime ekonomikano buhljaripe, socijalno thaj politikaći inkluzija thaj aver lačhimata save podstaknina stabilnost thaj respekto manušengo zalatikani- pesko.
Aresipe manušenđe ortengo thaj inćardimasko buhljaripe naštik avel džikaj opaš manušikanipe naj iste šaimata, phenda Generalno sekretaro Ujedinime nacijengo Ban Ki Mun odolaće kaj semnosardape Maškarthemesko đes manušnjengo savo ando kava brš semnosarelpe talo alav: Planeta 50-50 džiko 2030. breš, ćerasa kišlipena palo bijandimasko jekhipe.