Makedonija: Šuto orizari – Šutka

Šuto Orizari – jedino opština ando sveto sa službeno romano čhib

Skopsko opština ando Makedonija Šuto Orizari si romani većina, em jedino administrativno jedinica ando sveto kaj si romani čhib službeno. Adava naj khanči adaleske so o manuša andi Šutka isilen bare problemja.

Oko 45% romano populacija andi Makedonija bešel ando Skoplje, a majbut si andi opština Šuto Orizari , kaj o manuša pendžaren sar Šutka, protežil pe ko 7,5 km² a ko popiso taro 2002. ando late bešel 22.000 manuša. I Šutka si dujto opština ando Skoplje palo Čair. Taro isto popiso i Šutka si jedino opština andi Makedonija kaj si o Roma imalen barimata sa 61% stanovništura aver si o Albancja 30% em Makedoncura 6,6%, em aver manjine 2,4%.

I Šutka si lokalno jedinica em jedino ando sveto kaj si romani čhib službeno alav. O podaktura tari 1921. berš o Skoplje ulole 41.000 stanovnikura, dok 2002. berš dostignuđa 506.926. Gija i Šutka postaninđa značajno ando foro.

Beršestar 1948. o Roma si prvo drom izaberime ko forsko veće ando Skoplje. Pale adava dobinde prvo zastupniko ando makedonsko parlamento Faik Abdija. O Abdi ulo delegato ko Prvo kongreso Roma 1971. berš, em ov osnovinđa prvo političko stranka andi Makedonija.

Ande 1950. breš osnovinđa sporsko društvo ,,Ekipe 22“ em kulturno društvo „Phralipe“. Tad nastaninđa i Esma Redžepocva „kraljica kotar i romani muzika“ kuja si postaninđa poznato ando celo sveto. Osim Redžepove em Faika avdive ima manuša kula si poznata a bešle andi Šutka. Nadžet Mustafa, Zabit Memedov...

Andi Šutka džiko manuša kula si barvale, isi but manuša kula si čhore, ne keren bući nego bikinel ko pijacurja, ali avdava si za kratko vreme stalno zaposlenje nanelen. Ukula kula gele ando inostranstvo snađindepe i kerde khera andi mahala.