PO LAČHO DROM PALO IRISARIPE DIGNITETOSKO MANUŠESKO

Kova so dikhlem či sas gajda lačhe sar ažućardem. Angluno ciknjaripe savo dikhlam sas but čhavorra save sas avrjal sistemo sikavimasko. Godola čhavorra či ni džangline te đinaven niči te ramosaren. Andar godova rezono, čhinadam te fundosaras BGĆ savo bućarela palo sikavipe čhavorrengo. Godova bućardam duj brša, sar kotor bešavimasko pale čorre čhavorra.

 

E čhavorra či sas ulade talo naciono no khetanisardam len po fundo katar kova so i khetanimasko pala lende – čorrîpe. Po teljaripe sasmen paša eftavardeš čhavorra, katar save butipe sas bizo identiteto. Pale jekh brš bućarimasa lenca, sasmen rezultaturja, no gîndisardam kaj si godova dinipe hohavne paćavimasko čhavorrengo odolaći kaj pale vrjama save nakhadine ando đesesko bešavipe sas bigrižale.

Naj čorre kola manuša save si alavarde ande socijalne centrurja. But manuša či ni alavarenpes thaj amen či džanas so si lenca. Analiza katar amari socijalna karta sikada kaj si maj čorre kola purane ćherutnimata save sas alavarde sar poljoprivredne ćerdimatarja, aska purane save theren cikne penzije, trite si e manuša save si inćarimatarja katar socijalno ažutisaripe thaj štare si korkorre bijandimatarja.

 

Kova so arakhlam si but čudurimašće. Si baro đindo manušengo save šaj te bućaren thaj inja čhona theren socijalno ažutipe vi paše godova kaj naj trubulimata, trajin ande lačhe thana, šukar ćhera.