Pharimata save si identifikuime kana nakhavenpes ramosarimašće kotora ando proceso
0
Vakti: 2 min.
Majbaro problem organosko inćarimataresko si godova kaj e fortune, talo avardipe bešavimasko, či alavarenpes rîndova jal či alavarenpes generalno, niči alavaren centrošće averčhandipe adresako pe savi trajin.
Foto: romanenevimata.rs
Andar kava inkljel vi rîndo aver pharimatengo, majanglal kana si o alav palo linipe lilengo savo ći len, a butimasa si godova krisaće mothodimata pala bipoćindine računurja, rate palo kredito thaj aver.
Aver rigatar, sar dićhel butipe forutnengo, sar pharipe liparen godova kaj naštik te alavaren piro bešimasko than pe adresa katar centro pala socijalno bućaripe ando foro ando savo čače trajin thaj inćaren kamipe palo sajekh bešipe kaj inćaren alavardo bešipe po varesavo aver than.
Majbaro procento savo inćarel intereso palo alavardipe bešavimaskko pe adresa centroske palo socijalno bućaripe line rromani populacija zja, ando majbaro procento, e Rroma savi si ando butipe interno miškosarde katar thana AP Kosovo thaj Metohija. Pharipe savo kala fortune liparen si vi godova kaj trajisren ande aformalne thana kaj naj alava sokačenđe thaj ćherutne đindurja, gajda kaj ćerelpes vi godova te silen ćher ando savo trajin, naštik te alavaren bešipe pe late.
Katar 44 organurja inćarimašće pe teriotrija AP Vojvodinaći, von 23, jal majbut katar opašin, liparel kaj či inćaren informacije kaj si manuša andar rromano nacionalno minoriteto bizo ortuimasko identiteto (kanonosa bidikhavne manuša) pe teritorija katar lengo lokalosko udžilipe. Kasavo mothodipe vaćarel faktova kaj naj detot evidencija, te kasave manuša ći vaćardinepe lenđe, jal te godolesa či inćaren pindžarimata pale manuša andar rromano naciono bizo ortuimasko identiteto pe teritorija katar lesko lokalosko udžilipe.
Ando mištaripe e therdine informacijenca, e rola centrošći ando dinipe ažutimasko thaj zuralimasko kale manušenđe dićhelpes ande džanglimasko thaj finansijako ažutipe ando proceso majpalutno ramosaripe manušengo ande matične lila bijandimašće, jal andipe čhinadimasko palo therdipe personalne alavesko.
Varesave centrurja inkaldine godova kaj ćerelpes te vi kana avel džiko ramosaripe ande matične evidencije kale manušengo avel vi godova te čačarelpes te godola manuša či inćaren orto po raštako lil Republikako Srbijako, thaj kaj pala lende trubul te nakhavelpes proceso andimasko ando raštripe. Republikaći administrativna taksa palo bičhaldipe rodimasko palo alavardipe ando raštripe Republikako Srbijako si 17.000 dinarja thaj butipe centronengo naštik te therel love godole manušenđe pala lako poćinipe.