Maškarthemutno đes te risparisavol men pe viktime holokaustoske
0
Vakti: 1 min.
Mukljardapes nacističko logoro Aušvic, sar vi Maškarthemutno đes te risparisavol men pe viktime holokaustoske po dešto drom ando kontinuiteto. Godova si đes kana risparisavos pe viktime save peline ando Dujto themesko maripe kaj po butipe mudarenas Bibolden thaj aver nacionurja katar e nacističko Germanijaći rig.
Foto: Kancelarija za inkluziju Roma
Holokausto (grč. olokausto:sasto phabardo) si dipe e devlenđe jal tropotošće mulenđe ke Grkuja the Rimljanuja, pale savi delas pe jag e žiginija. Kava alav lija nevo kotor palo sistemsko mudaripe tho džungalipe po nacionalno, paćavimasko thaj rasno dićhipe ande dujto lumjako maripe, katar e nacističko Germanija. Jekto drrom kava alav si čhutino ande khanđirengo ćidipe pale protestantske khanđira ande Germanija.
Maškarthemutno đes te rispirisavos pe viktime holokaustoske zurarda Generalno ćidutni Jekhutnikane nacionengo po 1. novembro 2005. brš. Palo datumo lijape 27. januaro kana e sovjetske soldaturja dine ando logoro Aušvic-Birkenau thaj mentisardine 2819 logoraša. E rezolucija apeluil pe membrurja te semnosaren kava đes te na bistrelpe kava majbaro manušengo masakro.
Đes palo risparisipe pe viktime holokaustoske ande Srbija semnosarelpe katar 2006. brš. Maškarutni komemorativno ceremonija inćardape ando Nevo Beogrado, po than kaj sas varekana koncentraciono logoro “Staro sajmište”. Khuvdo luluđengo čhutine šerutno manuš forosko Beogradosko, prezidento Srbijako, sar vi manuša andar Themesko ćidipe (Narodne skupštine), Gavermento, Ćidipe Bibolde guvernengo, Nacionalno konsili romane minoritosko, ćidimata thaj diplomatsko koro.
Dujto themesko maripe sas jekh majkalo periodo manušikane dumutnimasko. Či džanelpe đindo mudardengo, numaj e đindurja džan džike 55 milionurja viktimurjengo. E Njamcurja mudardine majbut 10 milionurja civilurja katar save opaš viktime sas Bibolde, a aver opašin sas viktime Rroma, homoseksualcurja, hendikepirime manuša, Slovenujra ande puraboski (istočno) Evropa, Poljakujra, sovjetonenđe marimaske phandarutne, Jehovoske tasdivutne thaj Dasa (Serburja).