PABLO PIKASO – TRAJO THAJ BUĆARIPE

Pablo Ruiz Pikaso bijando si po 25.10.1881. brš ando špancijako foro Malaga. Kana bijandapes, alavardo si sar mulo, a lesko kak arakhada les gajda kaj phurda thuv cigaresko ando muj.

 

Katar lesko eftato brš sikadales piltarimate thaj o Pablo butimasa gatisarda pire dadešće bućarimata kaj o dad či arakhla vrjama e bare aver bućarimava. Kana sasles dešutrib brša o dad zumada te ačhavel lešće piltaripe kaj dikhla kaj o čhavo piltarel majlačhe lestar, no či areslo ande godova. E familija ande 1891.

 

Štar brša majpalal lesko dad lija bućaripe ande Barselona gajda kaj godova sikadapes sar but semno palo bućaripe Pikasesko. E sikavimatarja gîndine pala leste kaj si čuduripe. Ande toman 1897. brš teljarda te studiril ando Madrido pe akademija Reak de San Fernando, no sigo našla latar. Či đelo po sićope, no đelo ando baro madridsko muzejo Museo del Prado kaj ođardapes bućarimava katar barokne španske piltarja.

 

Sas šukar lesa, sar vatromet. But kreativno, inteligentno. Kana sas ođardo palo šarmo vi e barra ćhelenas gajda sar vo kamelas. No, sas vi but brutalno, sadista. Sar musaj te avel sar vo kamel. Tumen sas kate zbogal leste, vo nisar či sas kate pala tumende. Pablo gîndisarda kaj si Del, no či sas Del thaj godova sas pharo lešće“, mothoda e Fransoaz palo Pikaso ando lako lil.

 

Manušnji savi bešel ande vunato cohra“, pilta andar 1939. brš, sikavel Dora Mar, bićindi si nekozom brša pe aukcija pala 29 milionurja dolarja, a e pilta „Sovljardi čhej“, portreto katar Mari-Terez Volter andar 1935. brš, aresla molipe katar 22 milionurja dolarja. Pikaso e Dora Mar butimasa sikada sar tristi, odolaći, sar mothoda, kaj si sterilna. „E manušnji ande jasva“, majppindžardo si portreto katar kaja Pikasošći kamlimatarka.