Elvis Prisli - pop ikona katar 20. šelbršutnipe
0
Vakti: 2 min.
Cikno đindo manušengo džanel ko sas o Elvis. Majcîra manuša džanen kaj lešće purane aviline ande Amerika andar Njamcicko ande 18 šelbršutnipe, anaveja Pressler. Sas membrurja katar Sinti, majpinžarde sar “Kale Holanđaja”. Elvis Aron Prisli bijando si po 08. Januaro 1935. brš ando than Tupelo, po jugo Misisipijako ande čorro familija.
Foto: Musichistory
Šaj te mothav kaj trajisardam pe aver rig dromesko. No, ande godoja vrjama ando Tupelo či ni sas vorta rig. Khonik nas te hal barvale. Nisar či semas bokhale, no but droma smas pašune godoleste – mothoda legendarno đilabimatari, kašće bijandimatarja Vernon Elvis thaju Gledis Lav Prisli piro ćher lačhardine pala duj čhavrra, no Elvisesko phral, savo po them avilo 35 minuturja anglal leste, mulo.
Kana đilabada e đilji, crda o kan katar inćarimatari katar diskografsko ćher San records, Sem Filips, savo sigo haćarda kaj o terno Elvis inćarel piro stilo. Akharda les te ćerel angluno albumo. Producento katar gramofonske ploče ser Svivel Hips butimasa dija svato pire kolegurjenđe.
Gatisarda o sikavno than ande 1953. thaj bućardape sar tradimatari kamionosko, a ramosardapes vi ande sikavimasko than, pale električari. No, či vazda e vasta katar đilabipe thaj karijera savi ande godola brša či džalas lešće talo vast, odolaći kaj nekozom kupe andar Memfis či dine lešće te avel lengo membro. No, vo či dikhla pe godova, thaj po agor 1953. ando studijo katar lesko amal ćerda e đilji pala lešći dej, savi lundži vrjama sas privatno, a savi ađes inćarel tretmano sar but baro unikato.
Majanglal no so pherda 21 brš, therda angluno miliono thaj sas e šel čhejenca. Pala milionurja manuša Elvis Prisli si majdur džudo, a lesko bijandimasko đes lošarelpes sa jekh 08. Januari anglal pindžardo Grejslend, Memfis.
Elvis si fenomeno vi ađes kaj lesko popularitetonaštik haravel ni o mulipe. Vo si vi ađes popularno thaj milionurja džan ando lesko ćher sa jekh brš. Lesko đilabipe ćerda efekto pw but neve, terne manuša. Bizo Elvis či avelas ni e Bitls, sar ni kola kupe thaj individue save fundosardinepe tala lengo đilabipe. But pala leste mothon šukar, a varesave mothodimata sar koja mothonpes: “Me sem đilabimatari, Elvis si sikadipe katar sasti amerikaći kultura.”