Andar mothodimasko rromano barvalipe
0
Vakti: 1 min.
Ande 2012. brš Forošći lilarvani ando Novi Sad inkalda, talo ažutipe Forošće ortuimasko pale kultura Novosadošći, o lil katar Trifun Dimić „Putevima sudnjim.“ Ando kava lil si rromano baripe savo o Trifun Dimić ćida thaj nakhada (balade, romanse, paramiča, pančatantra, mothodimata e Rromen dar andeo dasikano lilaripe, rromaja, bahtarimata).
Foto: https://izkrugavojvodina.org
Talomothodipe ramosarda o Dragoljub Acković, savo detot lesamalipe dija palo Dimićesko ći- dimasko bućaripe ando kotor rromane lilarimasko. Piro bućaripe lundžarda sar nakhadimatari thaj lilarimatari poezijako, editoro lilengo pe rromani čhib thaj pala Rroma, marimatari pala orturja rromane themesko, fundosarimatari šehosko Rromani čhib thaj kultura, tgm.
Sas godova ando dumutnipe, kasavo dumutnipekaj kasave dumutnimatar bistardine si alava, a kova so sas bare pharimasa ačhilo ande gođi. Ačhili korkorri paramiči. A paramičatar ačhilo kava: Phirelas jekhdata pe phuv jekh Sumnalo manuš thaj sar pe lundže vrjama sas e manušenca, butimasa bokhajlo. Bokhalimasa areslo vo ando varesavo gav, dija ando jekh barvalo ćher thaj rudisarda pala peste vareso e habestar te čaljarelpe.
A ćherutni manušnji ćerda jekh cîkno mangro, kasavo cîkno katar jekh palmaski opašin thaj čhutale aver mangrrenca te pećelpe ando bov. Sas godova mangroo kasavo šukar thaj gajda sîngavelas kaj ćherutne manušnjeske sas po pharipe te kasavo barvalipe del čorre manušeske, garada mangrro po bovesko paluno than a voj korkorri garadape tale kaštuni blaja.
Gajda đelotar kova Sumnalo manuš. Ćherutne manušnjatar savi garadape tale kaštuni balaja, sar či delas bahtalimasko dipe čore manušeske, ćerdape žambuka. Laće ačhili pe zeja kaštuni balaja, a amenđe ačhili paramiči.