ERIO, EVROPAĆI KANCELARIJA - palo informišipe e Rromengo
0
Vakti: 1 min.
ERIO si maškarthemutno ćidipe savo zurjavel politikane thaj ašunimašće mothodimata palo rromano pučhipe, gajda kaj del fakturja thaj buhljarde informacije palo butipe ašunimašće pučhimatengo ande institucije Evropaće Uni jako, Rromane ćidimata, thagarimata, sar vi maškarthagarimašće kotora.
Foto: Kancelarija za inkluziju Roma
Evropaći kancelarija palo informišipe e Rromengo (ERIO) fundosardi si ando 2003. brš ando Brisel, sar biprofitno ćidipe talo belgijako ka- nono, palo bućaripe ando maškarthemutno sar vi ande evropaće dimenzije. Vi paša rola savi inćarel anglal Rroma po evropako nivelo, Kancelarija či inćarel kamipe te arlil aver rromane ćidimata, no bućarel sar informativna platforma, savi čačarel te e krlla sa evropaće Rromengo ašunenpe ke EU thaj thagarimašće ašunimatarja.
ERIO inćarel kamipe palo haradipe rasistikane diskriminacja e Rromenđi, sar vi te anel majlačho gođaveripe ašunimasko pale pharimata savenca malavelpe rromano amalipe. Ćeren promocija katar rromano amalipe ande procesurja palo andipe čhinadimatengo po evropako, nacionalno thaj lokalosko nivelo.
ERIO si membro Platformasko evropaće socijalne BGĆ (Socijalna platforma), Komiteto palo andipe politikako Evropaće kujbako opral rasizmo (ENAR), Platforma pale fundamentalna orturja (FRP), Evropaći koalicija rromane politikako (ERPC), thaj Savezo Evropaće bršesko forutnengo (EICA).
Majbut informacije pale Kancelarija šaj te đinaven pe lenđi we patrin, aresimašći po www.eri- onet.eu sar vi prdal twitter po twitter.com/ERIO_EU.