Svato pale kultura thaj inkluzija e Rromenđi
0
Vakti: 1 min.
Uvertira pale đilabimašće progra- murja, save sas po Festivalo đilabima-tarnengo sokačengo sas ande savato, 06. soktobro rjaćava, panel diskusija projektošći “Open up” sas sar platform palo svato pale teme katar institucionalizacija rromane kulturako, strategija palo majbuhljaripe thanengo e Rromengo.
Foto: M. Karadžić
Kola save aviline po panelo sas, o projek menadžero Fondosko palo putardo ćidipe andar Budimpešta, džipašerutni pokrajinaće sekretarosko pale privreda, bućaripe thaj jekhetanipe polurjengo, direktoro po Rromano kulturako centro, džipašerutni pokrajinaće ombudsmanosko palo lesamalipe ortuirjengo nacionalne minoritengo.
Sikadapes vi dićhipe piltarengo “Romski karavan nade”, katar e gîndova te ciknjarelpes etnikani distance pale Rroma, savi si ando butipe Evropaće raštrengo. O panelo kolo risarda e studentkinja katar Akademija artistimašći ando Novi Sad, mini koncertova ande pause maškar svaturja.
Fondosko pala putardo ćidipe andar Budimepešta, inćarel palo kamipe te sa kolenđe save aviline te sikavel ađesutni kultura e Rromenđi po kreativno thaj inovativno varo, sikadimasa pe univerzalne barimata thaj zurjavimasa katar interkulturno dijalogo thaj kooperacija maškar artisturja rromane nacionosko thaj sa averengo.
Ando đilabimasko kotor programosko sas e bandurja thaj Roma Sijam andar Beogrado, Gipsy Groove andar Priština thaj Gipsy Mafia andar Zrenjanino, sar vi Chisinau Youth Orchestra andar Moldavija thaj GRUBB fondacija andar Bari Britanija.