Ćhelipe savo khanikas či mećhel po miro
0
Vakti: 1 min.
Hoakin Kortes, maj pindžardo ćhelimatari flemenkosko ando them, inđarda andar rromani kultura kova majlačhe: ođi thaj kamavipe palo ćhelipe. Ođi nomadešći naćhel krozal lesko ćhelipe, sar vi lesko trajo.
Foto: https://flamencomania.ru
Koreografo thaj ćhelimatari flamenkosko bijando si po 1969. brš, ande Cordoba, ande rro- mani familija. Katar ciknjaripe sikada intereso palo ćhelipe. E familijava nakhla andar Kordoba ando Madrido, kaj teljarda formalno baletsko sićope. Či ni pherda dešupandž brša kana đeslo ando Nacionalno špansko baleto. Lesa nakhla sasto them, ćhelda ande majpindžarde teatrurja, pe majimportantne scene.
Telo mekhlipe baletosko ćhelda e maj pindžarde artisturjenca andar them ćhelimasko sar kaj si Maya Plisatsekaya, Silvie thj Peter Schauffuss Guillen. E publika si pindžardo kaj bućarda e Jeniferasa Lopez thaj Ališijasa Kejs. Ando filmo dikhline les ko Pedro Almodovaro, sa vi ando filmo Gitano e Leticijava Kastro.
Sar opralipe pire bište karijeresko fundosarel piri kupa „Hoakim ortes Flamenko Balet“, ando savo si 16 đilabimatarja, 8 ćhelimatarja thaj khetane 34 manuša. Khetane dromaren themesa thaj inćaren kava jagarimasko ćhelipe pherdo energijava thaj emocijenca. Kortes si vi reditelj o thaj producento.
Ande 2009. brš therda dipe katar UNESKO, pala piro maripe te e kultura ćhelimašći thaj flamentašći sikavel saste themešće. Sikavel semno paso ande istorija katar špancijako ćhelipe thaj flamenko. Čhutino so ande deš majlačhe ćhelimatarja ande istorija. Lesko ćhelipe bahtarda sa kolen save kamavisaren flmenko ando sasto them. Vo khanikas či mećhel po miro.