Ano Parlamento ikerdilo jekh maškarthemutni džanglimaski e Romane juristikane tradicije thaj kultura
0
Vakti: 2 min.
Zagreb - Ando Hrvatsko Parlamento ikerdilo agorutni sesia katar maškarthemutni džanglimaski thaj profesionalno konferencia savi si anavkerdi sar "Romano (bičajno) zakono: Romane juristikane tradicije thaj kulture".
Foto: Hrvatski Sabor
O avutne sine pozdravime e inicijatorencar thaj organizatorencar tari konferencija, deputato Veljko Kajtazi thaj prezidento tari Romani Aliansa ki Republika Hrvatska “Kali Sara” Suzana Krčmar. Sar reprezenti e sherune ministrosko e Hrvatska Republikako, ano khedipe vakergya vice sherunoministri thay ministri vash andrune bukya Davor Božinović, thay palo odova sheruno e Komitetesko vash konstituciya, Regulamenti thay politikuno sistemi Ivan Malenica, sar reprezenti e Presidentesko Hrvatsko Parlamentesko.
Foto: Hrvatski Sabor
O vice-prezidento katar Konstitucionalo kris katar e Republika Hrvatska, Mato Arlović, Rektoro katar Univerziteto Zagreb, Stjepan Lakušić, prezidento katar Hrvatska Akademia pala Sikavimata thaj Artura, Akademičari Velimir Neidhardt, Predsednik katar Komiteto pala Manušikane Hakaja thaj Hakaja katar Nacionalne Minoritetura e Kroacijake Maškarthemutne Ministresko, -Komunitetno relacie e Guvermentoske tari Utarali Makedonija, Nezhdet Mustafa, Dekano taro Juristikano fakulteti, Univerziteti taro Zagreb, Ivan Koprić, thaj o Dekano taro Filozofijako fakulteti, Univerziteti taro Zagreb, Domagoj Tončinić, sine ini ano bahtalipeske vakeribe thaj lafija taro suporto.
Foto: Hrvatski Sabor
O butjarimasko kotor katar e konferencia sas ulado ande duj panelura. Ko jekhto, telal o khetani denominatori "Roma Customary Law", ekspertia tari Hrvatska thaj avrutne thema vakerde bašo importanca e Romane kanunesko bašo dživdipe e Romengoro, olesko smislo, rola, impakto upral džuvlja thaj tradicia, thaj aver aktuelno teme save si phangle e pozicijasa e Romane komunitetosko. Duyto paneli sine dedikimo vash o phanglipe e Romengo e legalune instituciencar, thay o kotorleutne vakerde vash o historikune relacie mashkar o autoritetya, hakaya, poziciya e akcentosa pe praktika, thay o riziko thay suportuno sistemi kana vakergyola vash o trafikipe e manushikane kotar e perspektiva e membronge e romane populaciake.
Foto: Hrvatski Sabor
Palo svako paneli kergjape konstruktivno diskusia, thaj i konferenca agorisardi e adoptiribaja e Zagrebeske Rezolucijake. Kava dokumento anel khetane sa e ključne elementura save trubun te buhljaren o džanglipe pala e Rromane običajne čačipa, numaj vi generalo te lačharen e Rromengi juridikani pozicija. E Zagrebeske rezoluciake signatura si legalno thaj legitimno reprezentantura katar e Roma thaj Romane asocijacije katar e 14 Evropake thema, save si vi membrura katar o Organizacijako Komiteto katar kadi maškarthemutni džanglimaski thaj profesionalno konferencia.
A.N.